Nga të gjitha shtetet e përfshira në analizën e Barometrit Ballkanik, qytetarët e Maqedonisë së Veriut dhe Bosnje e Hercegovinës janë me nga 31 për qind plotësisht të pakënaqur me atë se si ecin punët në ekonominë vendore, që paraqet rezultatin më të dobët në rajon, përjashto Shqipërinë ku qytetarët me 39 për qind janë të pakënaqur me situatën ekonomike, shkruan gazeta Koha.
Bile edhe qytetarët e Kosovës me 20 për qind dhe qytetarët e Serbisë me 19 për qind janë shprehur se janë plotësisht të pakënaqur me situatën ekonomike në shtetet e tyre, apo në përqindje shumë më të vogël se tek ne janë shprehur për pakënaqësinë ekonomike. Më pak të kënaqur nga shtetet e rajonit, janë qytetarët e Malit të Zi – me 10 për qind nuk janë aspak të kënaqur me situatën ekonomike në shtetin e tyre.
Në indikatorin tjetër se sa jeni të kënaqur me gjendjen financiare në amvisërinë e juaj, sërish e para është Shqipëria ku qytetarët e saj me 30 për qind janë shprehur tërësisht të pakënaqur. Me 19 për qind vijojnë qytetarët e Bosnje e Hercegovinës, me 18 për qind qytetarët e Serbisë, dhe me 16 për qind në aspekt të tërësishëm të pakënaqur me gjendjen materiale të familjeve të tyre janë shprehur qytetarët e Maqedonisë së Veriut. Më pak ankesa në këtë drejtim kanë shfaqur qytetarët e Malit të Zi dhe të Kosovës me nga 8 për qind.
Analiza e Barometrit Ballkanik shpalos edhe pritjet dhe optimizmin e qytetarëve në 12 muajt e ardhshëm lidhur me atë se sa gjendja financiare e familjeve do të jetë më e mirë, më e keqe apo e njëjtë. Në këtë tregues, me 38 për qind të pritjeve se do të bëhet më keq, prijnë qytetarët e Bosnje dhe Hercegovinës, të Shqipërisë me 23 për qind dhe të Maqedonisë së Veriut me 22 për qind. Pasojnë qytetarët e Serbisë me 15 për qind, qytetarët e Malit të Zi me 14 për qind, si dhe qytetarët e Kosovës me 12 për qind si më optimistët në rajon në këtë aspekt.
Lidhur me pozitën ekonomike në shoqëri dhe gjendjen aktuale socio-ekonomike aktuale , 36 për qind e të anketuarve në Shqipëri janë përgjigjur se jetojnë nën mesatare, të pasuar me 34 për qind në Serbi dhe 27 për qind në Mal të Zi që vlerësojnë se jetojnë nën mesataren. Në Maqedoninë e Veriut, 25 për qind e qytetarëve vlerësojnë se jetojnë nën mesatare, të pasuar me 22 për qind në Bosnjë e Hercegovinë dhe 13 për qind në Kosovë.
Anketa më tej tregon edhe pengesat kryesore, së paku sipas përgjigjeve të një pjese të familjarëve që nuk janë të punësuar. Në Maqedoninë e Veriut – dy shkaqet kryesore të pakënaqsisë renditet mungesa e vendeve adekuate të punës me 39 për qind dhe mungesa e njohurisë me njerëzit e duhur me 32 për qind. Pasojnë arsimi joadekuat, diskriminimi në moshë, jo aftësia etj.
Në Maqedoninë e Veriut, tregon më tej anketa, 46 për qind e të anketuarve në vend të parë për mungesën e parave e arsyetojnë me pamundësinë që të shkohet në një pushim njëjavor familjar, e pasuar me 19 për qind të pamundësisë së pagesës së banesës apo komunaljeve dhe 15 për qind të pamundësisë së pagesës së borxheve përgjatë 12 muajve.
Ndryshe, në katër e vitet e kaluara, prej vitit 2015 deri në fund të vitit 2018, duke iu referuar edhe barometrave të tjerë ekonomik, në rajon dominojnë si probleme kryesore papunësia, situata ekonomike, korrupsioni, kriminaliteti dhe ikja e trurit apo mërgimi./Koha/
Lufta Prigozhin - Putin
Më shumëRegjistrimi i diasporës: Çfarë përfiton Kosova?
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Meloni reagon ndaj emisionit investigativ të Rai3: Linçoi Ramën se mbrojti Italinë
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur