Keita Balde mori një nga kartonët e kuq më naiv këtë sezon – ndëshkimi i tij për pak sa nuk e la Interin pa Ligë të Kampionëve

Keita Balde ishte njëri nga heronjtë e Interit për kualifikim në Ligën e Kampionëve, por ishte afër të bëhej njashtu edhe figura tragjike e tyre.

Gara për pozitën tre dhe katërt në Serie A ishte e hapur dhe një luftë e vërtetë deri në minutat e fundit.

Në fund Atalanta nga vendi i tretë dhe Interi nga vendi i katërt arritën të sigurojnë kualifikimin në Ligën e Kampionëve, ndërsa Milani mbeti i pesti.

Fitorja e Interit ishte thjeshtë dramë në veti, pasi pjesa e parë përfundoi pa gola, ndërsa në pjesën e dytë Nerazzurrët kishin shumë heronj.

Njëri nga ta padyshim se ishte sulmuesi Keita Balde, i cili u inkuadrua në pjesën e dytë dhe shënoi golin e epërsisë 1-0 duke zhbllokuar rezultatin.

KING OF SENEGAL & UN IDOLO @KeitaBalde 🖤💙🖤💙 pic.twitter.com/jNE6F2NgTD

— Jordan (@JPens4Real21) May 27, 2019

Megjithatë, Balde shumë lehtë ka mundur të jetë figura tragjike e Nerazzurrëve pasi në minutat shtesë mori një karton të kuq, një nga më naivët këtë sezon.

Balde fillimisht u ndëshkua me karton të verdhë pas festës së golit, ndërsa në minutat shtesë ndaloi portierin kundërshtar gjatë një kundërsulmi kur Interi shënoi golin e tretë.

Disgusting by Keita Balde lmao. Gets sent off for pulling Dragowski pic.twitter.com/E3p14tvIhK

— Billy M (@Wideoverload) May 26, 2019

Me rishikimin e VAR-it, gjyqtari vendosi të anulojë golin dhe ta ndëshkoj Balden me kartonin e dytë të verdhë, respektivisht të kuqin.

Përveç golit të anuluar, gjyqtari akordoi penallti dhe nga ajo ndërhyrje Empoli rrezikoi golin dhe ishte Samir Handanovic, i cili shpëtoi Interin me pritjen e tij. /Telegrafi/