Më 13 dhe 14 maj, British Council mbajti një konferencë rajonale në Tiranë, si pjesë e Skemës së Bashkimit Evropian për Profesionistët e Rinj në Ballkanin Perëndimor.
Në këtë ngjarje, pjesëmarrësit paraqitën gjetjet nga hulumtimet mbi sfidat kryesore të agjendës për anëtarësim në BE për Ballkanin perëndimor dhe diskutuan mësimet e nxjerra nga këto fusha.
Diskutimet u pasuruan veçanërisht nga përvojat e pjesëmarrësve si pjesëtarë të shërbimeve të tyre përkatëse civile. Konferenca ishte një platformë për profesionistët e rinj për të identifikuar mësimet e nxjerra nga përparimi i tyre drejtë anëtarësimit në BE dhe për ta përdorur atë për të përmirësuar administratën publike në rajon.
Në kuadër të skemës së profesionistëve të rinj të financuar nga BE-ja dhe implementuar nga Këshilli Britanik, duke filluar nga tetori 2016, në kuadër të projektit, gjenerata e tretë e pesë shërbyesve civilë nga secili shtet nga Ballkani Perëndimor kaluan dy javë në Institutin d’Etudes Politiques (Sciences Po) në Paris në dhjetor 2018, poashtu vijuan edhe një program në Kolegjin e Evropës (College of Europe) në Bryzh në janar 2019, dhe bënë një shkëmbim rajonal në gjashtë kryeqytetet në mars 2019.
Përgjatë këtij shkëmbim rajonal, grupet u angazhuan në hulumtime dhe analiza në fushat relevante për antarsim në BE dhe agjendën e zhvillimit në Ballkanin Perëndimor, bazuar në përvojën e tyre si nëpunës civilë.
Qëllimi kryesor i konferencës në Tiranë ishte që të gjashtë grupet të paraqesin gjetjet e hulumtimit të tyre dhe të elaborojnë për rritjen e rolit të profesionistëve të rinj për një administratë publike moderne dhe efikase në rajon.
Temat që u trajtuan në konferencë mbuluan reformat e drejtësisë në kuadër të procesit të pranimit në BE; përmirësimin e sigurisë, migracionit dhe menaxhimit të kufirit; mundësitë e bashkëpunimit ndërmjet WB6 në drejtësi dhe siguri, zbatimin e reformave kyçe të nevojshme për të përshpejtuar pranimin në BE; praktikat më të mira të BE-së dhe mësimet mbi politikat dhe veprimet e arsimit, punësimit dhe mobilitetit; Forcimi i bashkëpunimit rajonal dhe dialogut ndër-kulturor në Ballkanin Perëndimor; Tranzicioni në Ekonomi Digjitale për rritje më të shpejtë, shërbime të përmirësuara dhe krijimin e vendeve të punës; a siguron agjenda e ndërlidhjes stimuj të mjaftueshëm drejt një bashkëpunimi rajonal të qëndrueshëm?
Fjalimet mirëseardhëse u bënë nga Daniela Çekani, përfaqësuese e qeverisë së Shqipërisë, Stephen Stork, Udhëheqës i operacioneve, BE delegacioni i Shqipërise dhe Angus Bjarnason, zëvendës drejtor i Ballkanit Perëndimor British Council.
Zonja Çekani theksoi se: ” Unë besoj se mekanizmat si kjo skemë duhet të shumëzohen, sepse ato japin një vlerë të madhe në përmasa të shumëfishta: njohuri, praktikë, ekspertizë, shkëmbim, lidhshmëri, bashkëpunim, pajtim, rrjetëzim etj. Bashkëpunimi rajonal është gjithashtu i rëndësishëm kur bëhet fjalë për çështjet politike dhe institucionale që vendet përdorin për të gjetur dhe forcuar interesat e përbashkëta si dhe për të nxitur interesat e tyre kombëtare. Ky komponent shpesh konsiderohet vetëm në nivelet më të larta politike, duke harruar se në nivelet më të ulëta bashkëpunimi rajonal forcohet dhe praktikohet masivisht në baza ditore. Programet si YPS kontribuojnë shumë drejt arritjes së një bashkëpunimi rajonal të zgjeruar. ”
Zotëri Stork vuri në dukje se: “Duke u bazuar në përvojën pozitive të programit “Profesionistët e rinj në Ballkanin Perëndimor” BE në Shqipëri mirëpret programin e ri për ngritjen e kapaciteteve të nëpunësve civilë.
Zotëri Bjarnason tha se: “Si British Council ne jemi shumë të lumtur që jemi të përfshirë në Programin e Profesionistëve të rinj të Ballkanit Perëndimor, pasi bashkëpunimi dhe puna përtej kufirit janë në zemër të asaj që bëjmë. Ky program ofron një model të shkëlqyeshëm për profesionistët e rinj për vendet WB6 të cilat së bashku ndajnë përvojat dhe zhvillojnë qasje të reja për sfidat e përbashkëta.’’
Promo
Reklamo këtuLufta Prigozhin - Putin
Më shumëInvestimet nga diaspora, Lazim Destani: Duhet të punojmë bashkë që të arrijmë suksese
Kompania kosovare që mobiloi resorte botërore
A don me mësu qysh me editu video?
Shkenca e të Dhënave - Kombinim i Statistikës, Programimit dhe Biznesit
A po e sjell Shkëlqim Devolli gjigantin McDonald’s në rajon?
Telegrafi Jobs - Shoku yt për punë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë