Deputeti i Partisë Socialdemokrate, Frashër Kraniqi ka deklaruar se me dëshirë do ta largonte presidentin Hashim Thaçi nga roli i tij në dialogun me Serbinë, por nuk mund ta bëjë këtë pasi që është një “dhuratë” nga LDK-ja, rolin e të cilës nuk mund ta minimizojë askush. Ai ka folur edhe për ish subjektin e tij politik dhe koalicionet eventuale paszgjedhore, duke përjashtuar këtu vetëm PDK-në nga një bashkëqeverisje eventuale.
Deputeti Krasniqi ka përjashtuar mundësinë që cili do subjekt politik në vend mund ta dërgojë në shtëpi presidentin Thaçi.
Duke folur për dialogun me Serbinë, ai thotë se ekipi negociator është duke e luajtur rolin e vet.
“Rolin e Hashim Thaçit nuk kena mujtë me e barazu me zero. Sot me pas unë atë fuqi që e çon Thaçin te shpia, e kisha bo qat veprim. Nuk e kam atë fuqi, se ka PSD-ja, nuk e kanë as subjektet tjera. E ka pas LDK-ja, por përkundrazi e ka bo Hashim Thaçin president, në vend që me e çu te shpia. Çka muj me bo unë, në fuqinë tem është me e marrë procesin që e ka drejtu veç Hashim Thaçi, me e bë Kuvendin drejtues të atij procesi. A kom me mujt me e përjashtu prej procesit, jo se e kam dhuratë prej LDK-së”, ka thënë ai, në një intervistë për KosovaPress..
I pakënaqur me mënyrën se si po qeveriset Kosova, ai thotë se PSD është e para që ka nënshkruar mocionin për rrëzimin e Qeverisë, ndërkohë që asnjë nga partitë tjera opozitare thotë të mos kenë pasur guximin me e ndërmarrë mocionin e mosbesimit.
I pyetur se pse nuk e ka ndërmarr PSD-ja këtë hap, ai thotë se asnjëra nga partitë nuk i ka votat. E derisa kjo të ndodhë, sipas tij, janë një numër gjërash që si opozitë mund t’i bëjnë për të ndihmuar mirëqenien e qytetarëve të Kosovës.
“Kushdo që është duke ndërmarrë iniciativa të caktuara është mirë me llogarit që edhe PSD-ja është këtu dhe është mirë me llogaritë që pa PSD-n, nuk mund me funksionu, si opozita, si pozita në disa prej fushave të saj… PSD është subjekti i parë që i ka dhënë nënshkrimet e 12 deputetëve të vet dhe ka thënë: ‘kurdo që jeni të gatshëm me ndërmarrë mocion mosbesimi për rrëzimin e qeverisë, qe ku i keni nënshkrimet, ne do të votojmë për rrëzimin’… Na kemi thënë: ‘qe ku i kemi deponu nënshkrimet tona, kush ka guxim me e nisë mocionin, le te nis, ne do të votojmë për rrëzimin e Qeverisë’, por deri sa të bëhet ai mocion, derisa të rrëzohet Qeveria, na e kemi ndërmend me i përmirësu disa gjëra për jetën e qytetarëve”, tha ai.
Në rast se vendi do të shkojë në zgjedhje, Krasniqi thotë se PSD do të kandidojë e vetme në zgjedhje, teksa shprehet i bindur se do të arrijë të ketë rëndësinë e njëjtë në Kuvendin e Kosovës. Ai tregon se për kë kanë vija të kuqe.
“PSD ka vija të kuqe për PDK-n dhe nuk do të bëjmë koalicion paszgjedhor dhe parazgjedhor me PDK-n për shkak se është subjekt që e ka dëmtu Republikën e Kosovës tash e gati 10 vite dhe është subjekt që ka nevojë me qenë në opozitë… Nuk kemi vija të kuqe për asnjë subjekt, përveç për PDK-në”, ka thënë ai.
Sa i përket Vetëvendosjes, ai thotë se ndjen keqardhje që ka përfunduar me disa figura “dytësore”, duke mosditur t’i mbajë figurat që sot janë PSD. Teksa mohon se PDK mund të ketë qenë shkaktare e ndarjes së Lëvizjes Vetëvendosje.
“Nuk është veç një faktor i ndarjes, dhe jo, nuk është PDK. Janë qëndrimet e ndryshme dhe në thelb, ideja që Vetëvendosje po ndërron për të keq”, u shpreh ai.
Krejt në fund, Krasniqi ka folur edhe për taksën që Qeveria e Kosovës ka vënë ndaj produkteve serbe që vijnë në Kosovë, ku ka thënë se nuk është e arsyeshme të thuhet që do të hiqet taksa pa asnjë kusht apo se “do të mbahet gjithmonë”, pasi sipas tij, qëndrimet ekstreme nuk janë të dobishme./kp/Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Alarmi i Alicia Kearns për Ballkanin, politologët komentojnë deklaratën e deputetes britanike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit