Kosova ka arritur të barazojë me Danimarkën (2-2), duke treguar që është gatshme të matet edhe me kombëtaret e forta.
Djelmoshat e Bernard Challandes ishin dy herë në epërsi, duke treguar, lojë të bukur dhe me aksione.
Mbrojtja edhe kur ishte nën presing e nxirrte topin drejt sulmit me pasime dhe në qetësi.
Lojtarët që shkëlqyen në këtë takim ishin Amir Rrahmani dhe Bersant Celina.
Edhe pse shumica e lojtarëve janë të rinj, po luajnë me qetësi dhe kanë fituar përvojë.
Telegrafi Sport i ka vlerësuar lojtarët për paraqitjen e sotme.
Formacionin startues
Aro Muriq 6.5
Nuk kishte shumë punë në pjesën e parë, duke e pasur vetëm një goditje në në kuadrat dhe e neutralizojë lehtë. Di të bëjë disa dalje të pakontrolluar që kanë mundur të na kushtojnë, por mbetet portier stabil.
Mërgim Vojvoda 7.5
Ndeshja më e mirë e tij prej se luan për Kosovën. Mbron mirë, por dhe di të dal në sulm. I ka përmirësuar edhe harkimet në zonë dhe di të jetë i rrezikshëm.
Amir Rrahmani 8
Mbrojtësi i Dinamo Zagrebit kishte paraqitje brialiante. Ai përveç që e shënoi golin e parë dhe është i rrezikshëm në goditjet standarde, mbrojti mirë. Mbetet ndër më të mirët te Kosova.
Fidan Aliti 7
Mbrojtësi i Kalmarit si gjithmonë me paraqitje solide. Spastron zonën, di të pasojë mirë dhe e ruan qetësinë. Nuk kishte faj te asnjëri gol.
Leart Paqarada 6.5
Paraqitje e mirë, por mundet edhe më mirë. Në disa raste e vononte harkimin, kur kombinonte mirë me Celinën dhe Zenelin.
Herolind Shala 7
Kapiteni bëri paraqitje të kënaqshme. Po të mos ishte penallti që u shkaktua paqëllim, do të ishte ndër më të votuarit. E nxjerr skuadrën nga mbrojtja dhe pason saktë. Jep gjithmonë maksimumin.
Besar Halimi 7
Mesfushori kthehet të luajë si startues dhe e bën mjaftë mirë. Asiston te goli i parë dhe harxhon shumë energji duke vrapuar. Mundet edhe më mirë, pasi ka vizion për lojë.
Bersant Celina 8
Ylli i mbrëmjes së sotme. Pas një mungese prej pesë muajsh ai u kthye më i pjekur, si njeri dhe si lojtar. Merr topin, pason, gjuan, rrezikon. Lufton nga minuta e parë dhe shënon gol të bukur.
Milot Rashica 6.5
Ai nuk ka çfarë të dëshmojë pasi po luan me sukses në Bundesligë. Në pjesën e parë Kosova sulmonte në krahun e majtë më shumë gjë që e penalizoi. Challandes edhe e ruajti për ndeshjen me Bullgarinë, duke luajtur vetëm 45 minuta.
Arbër Zeneli 7.5
Mesfushori i krahut zhvilloi edhe një ndeshje të mirë me Kosovën. Kalon mbrojtësit, rrezikon me goditje dhe asiston te goli i dytë. Njëri prej më të mirëve në fushë.
Vedat Muriqi 7
Sulmuesi prizrenas edhe një herë tregoi se di të luftojë me mbrojtës të fuqishëm. Di të bëjë hapësirë dhe pason topin në krahë. Ishte i pafat pasi në pjesën e parë ka mundur të shënojë.
Zëvendësimet dhe trajneri
Edon Zhegrova 5.5
Lojtari më i dobët i ndeshjes. E vonon pasimin, driblon pa nevojë dhe shpesh i irriton edhe tifozët. Ka talent të madh, por nuk e shfrytëzon si duhet. Nga një top i humbur i tij erdhi edhe penalltia.
Samir Ujkani 6
Kthehet ta ruajë portën pas mungesës në dy ndeshje. Nuk kishte asnjë faj te asnjëra gol. Mbetet kapiten dhe i respektuar nga lojtarët e tjerë.
Bernard Challandes 7.5
Trajneri ua ka injektuar besimin djelmoshave tanë. Ata luajnë me përgjegjësi në mbrojtje dhe dëfrehen në sulm.
Për të nuk ka lojtar të pazëvendësueshëm dhe arrin që çdo mungesë ta mbulojë shumë mirë. Kosova e tij ende nuk ka humbur. /Telegrafi/
Promo
Reklamo këtuLufta Prigozhin - Putin
Më shumëBernd Leno i bën një premtim të madh tifozëve të Arsenalit para ndeshjes Fulham – Man City
Jurgen Klopp mund të humbasë ceremoninë lamtumirëse në ‘Anfield’ nëse ndodh kjo gjë ndaj Aston Villës
Kylian Mbappe pranon garën 100 metra me Usain Bolt pasi simulimi tregon se çfarë mund të ndodhë
Florentino Perez dëshiron ta transferojë te Reali lojtarin që ëndërron të luajë për Barcelonën
Për herë të parë në histori të Ligës Premier, gjyqtari i ndeshjes do të mbajë një videokamerë në kokë
Bisedimet kanë nisur, Jose Mourinho befason të gjithë me skuadrën e tij të re
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'