Vjen Pogba, largohen Dybala e Costa?

Juventusi do të duhet të sakrifikojë Douglas Costa për Paul Pogba, ndërsa Interi mund të synojë Paulo Dybala nëse Mauro Icardi largohet.

Sipas gazetës italiane Tuttosport, Manchester Unitedi iu përgjigj kërkesës së Juventusit për Pogban duke kërkuar Costan si pjesë të shkëmbimit.

Gazeta shpjegon se bardhezinjtë nuk kanë ndalur së menduari  për francezin që nga kthimi i tij në Old Trafford në vitin 2016, ndërsa Unitedi ka ‘rënë në dashuri’ me Costan dhe besojnë se ai mund të jetë ‘vdekjeprurës’ në Ligën Premier.

Lexo po ashtu Juventusi ka gati 80 milionë euro për rikthimin e Pogbas

Lexo po ashtu Juventusi informon Unitedin, Costa i lirë gjatë verës  

Megjithatë, Zonja e Vjetër do të preferonte të mbante ish-sulmuesin e Bayern Munichut, pasi ata gjithashtu e vlerësojnë shumë atë, dhe do ta shitnin 25-vjeçarin vetëm në një marrëveshje me para të gatshme.

Tuttosport gjithashtu raporton se vetëm Dybala mund të kompensojë humbjen e Interit në rast se Icardi nuk nënshkruan një kontratë të re.

Ky medium me bazë në Torino shkruan se marrëveshja ka kuptim, pasi drejtori i Nerazzurrëve, Beppe Marotta, e mori ish-lojtarin e Palermos në Torino.

Lexo po ashtu Juventusi i vë çmimin Paulo Dybalas

Në anën tjetër një transferim i Dybalas do të “garantojë golat” së bashku me bashkëvendasin e tij, Lautaro Martinez.

Interi do të duhet të presë që Juventusi të bëjë argjentinasin e disponueshëm për transferim, kështu që Marotta mund të ruajë marrëveshjen e tij për të mos i shqetësuar ish-lojtarët e tij dhe drejtorin sportiv të Fabio Paratici. /Telegrafi/