Gazeta gjermane e lajmeve “Der Spiegel” ka habitur botën e medias duke zbuluar se një nga gazetarët e saj – i cili kishte fituar disa çmime – kishte falsifikuar lajmet, për vite me radhë.
Claas Relotius “krijoi histori dhe shpiku protagonistë” në të paktën 14 nga 60 artikuj që u shfaqën në revistën e shtypur dhe në botimet online, tha Spiegel, përcjell Telegrafi, duke paralajmëruar se mund të jenë prekur edhe media të tjera.
Sipas mediave, Relotius, 33 vjeç, dha dorëheqje pas pranimit të mashtrimit.
Ai kishte shkruar për revistën për shtatë vjet dhe fitoi çmime të shumta për gazetarinë e tij hulumtuese, duke përfshirë “CNN Journalist of the Year” në vitin 2014.
Claas Relotius: Er hat sein Talent missbraucht https://t.co/W7htj1oOJQ pic.twitter.com/KtZAsHwMOZ
— WELT (@welt) December 19, 2018
Këtë muaj ai u emërua “Reporteri gjerman i Vitit” për një tregim për një djalë të ri sirian.
Falsifikimi erdhi në dritë pasi një koleg që punoi me të në një histori përgjatë kufirit amerikano-meksikan ngriti dyshime për disa nga detajet në raportimin e Relotius.
Kolegu përfundimisht zbuloi dy burime të supozuara të cituara gjerësisht nga Relotius në artikullin, i cili u botua në nëntor. Të dy thanë se kurrë nuk e kishin takuar Relotiusin.
Relotius kishte gënjyer gjithashtu duke thënë se kishte parë një shenjë të shkruar me dorë, në të cilën shkruante “Meksikanët mbani jashtë”, u gjet në një hetim të mëvonshëm.
Tregime të tjera mashtruese përfshinin një për një të burgosur të Jemenit në gjirin e Guantanamos dhe një për yllin e NFL, Colin Kaepernick.
Në një artikull të gjatë, Spiegel tha se ishte “i tronditur” nga zbulimi dhe u kërkoi falje lexuesve dhe kujtdo që mund të ketë qenë subjekt i “citimeve mashtruese, të bëra me detaje personale ose skena të shpikura në vende fiktive”.
Revista me bazë në Hamburg, e njohur për pjesët më të hollësishme të hetimeve, tha se Relotius kishte kryer mashtrime gazetareske “në një shkallë të madhe”.
Ajo e përshkroi episodin si “një pikë të ulët në historinë 70-vjeçare të Spiegelit”.
Në këtë drejtim, bëhet e ditur se është ngritur një komision për të shqyrtuar të gjithë punën e Relotius.
Gazetari shkroi gjithashtu për një varg mediash të tjera të njohura, duke përfshirë gazetat gjermane taz, Welt dhe edicionin e së dielës të Frankfurter Allgemeine.
Ndërkohë, Relotius i ka thënë Spiegel-it se i vjen keq për veprimet e tij dhe ishte thellësisht i turpëruar, tha revista. “Jam i sëmurë dhe unë kam nevojë për ndihmë”, u citua të thoshte ai. /Telegrafi/
Lufta Prigozhin - Putin
Më shumëCili është objektivi i radhës i Rusisë?
Pamje që tregojnë momentin kur ukrainasit 'fshijnë nga faqja e dheut' pjesë të sistemit rus që kushton 5 milionë dollarë
Këta janë aeroplanët 'Rafale' që do të mbrojnë qiellin në Kroaci - të cilët i do edhe Serbia
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Qëllimi i Putinit nuk është Ukraina, por Evropa - paralajmëron ministri gjerman
Australia njofton për një paketë tjetër ndihma ushtarake prej 100 milionë dollarësh për Ukrainën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë