Bëhen të ditura detajet, vajza që ishte qëlluar për vdekje në Sidnei nga policia, vuante nga Asperger

Në Sidnej të Australisë, rreth tri vite më parë, policia kishte qëlluar me armë një vajzë 22 vjeçare. Ajo kishte dalë në rrugë me një thikë kuzhine rreth 30 centimetra të gjatë.

Ngjarja kishte ndodhur kur Courtney Topic ishte duke shëtitur në rrugën Carnes Hill duke mbajtur në dorë një thikë kuzhine rreth 30 centimetra të gjatë dhe duke pirë një filxhan kafe.

Kur arriti policia, shkruajnë mediat e huaja, përcjell Telegrafi, ajo refuzoi të heq thikën nga dora dhe oficeri i policisë e qëlloi në gjoks. Si pasojë, Topic humbi jetën.

Babai i saj tha se familja ishte e shqetësuar nga vdekja e saj dhe ende po përpiqej të pajtohej me humbjen e vajzës.

Ndërkohë, eksperti i Asperger, Tony Attwood, ka bërë të ditur se shqetësimi i autoriteteve është se policia po merrej me dikë në një gjendje jo të mirë.

Sipas tij, njerëzit me Asperger kanë vështirësi të kuptojnë shenjat dhe nga mos kuptimi i tyre ata mund të mbyten.

Gjithsesi ai e pranoi se policia mund ta ketë të vështirë për të identifikuar personat me sindromën e Asperger. /Telegrafi/