Fisi Dani: Gratë e tyre prenë gishtat për të shprehur mallin për anëtarët e vdekur të familjes (Foto)

Një hulumtues i cili kaloi një javë me një fis indonezian, ka mbetur i shokuar kur kuptoi se gratë e moshuara të këtij fisi i prenë gishtat për të shfaqur mallin që e ndjejnë për anëtarët e vdekur të këtij fisi.

Markus Rot ka vizituar fisin Dani Trib, që gjenden në Papau në pjesën perëndimore në Indonezi, ku përmes imazheve është munduar ta dokumentoj mënyrën e jetesës që zhvillohet në këtë fis, transmeton Telegrafi.

Derisa u informua për mënyrën e jetesës së tyre, kulturën, ritualet dhe zakonet, ka mbetur i shokuar kur e kuptoi se gratë e këtij fisi prenë gishtat për familjarët e tyre të vdekur.

“Është interesant se si në këtë fshat ruajnë mumien Kurul, të vjetër të paktën 370 vite të cilën me krenari e ekspozojnë para vizitorëve. Ky fis është i lidhur ngushtë me natyrën dhe kategorikisht mohojnë modernizimin, mbjellin pemë perime të cilët i shesin mes vete pa pasur kurrfarë ndikimi nga jashtë. Vazhdojnë të gatuajnë në zjarr, gratë jetojnë ndaras nga meshkujt”, ka deklaruar Markus.

Çdo luftëtar i këtij fisi është i dekoruar me nga një qafore, dhe sa herë që i shtohet një më shumë do të thotë se ia ka vrarë edhe një armik. Gjënë më të rëndësishme që ky fshat e ka është derri, madje ata organizojnë festivalin e derrave. /Telegrafi/