Banorët e fshatit Minzitarovo (Bashkiria në Rusi) tash e katër vite janë duke bërë një jetë të shëndoshë pa alkool, pasi në këtë vend ndalohet shitja e alkoolit dhe produkteve të duhanit.
Gjatë festave konsumojnë vetëm çaj, kurse në manifestimet lokale banorët preferojnë të bëjnë një jetë të shëndoshë. Në hyrje të këtij fshati gjendet një tabelë me mbishkrim “Territori i jetës së shëndoshë”, si rikujtim për banorët dhe mysafirët se në këtë vend nuk konsumohet dhe shitet alkooli, transmeton Telegrafi.
Lufta kundër dehjes në Minzitarovo ka filluar në vitin 2013, kur autoritet lokale përpiluan një ligj që ndalon shitjen e produkteve të alkoolit. Tani në këtë fshat është e ndaluar shitja e alkoolit dhe cigareve në një rreze prej një kilometri larg zyrave administrative, shkollave dhe shtëpisë së kulturës.
Banorët e asaj zone thonë se me ligjin që është në fuqi, kanë për qëllim të edukojnë brezat e rinj, pasi që të rriturit vështirë se mund të riedukohen. Në këtë fshat promovohet sporti, dhe për çdo vit organizohen forume të shëndetësisë.
Ish-udhëheqësi lokal Iljham Imajev, që kishte iniciuar këtë ligj për ndalimin e shitjes së alkoolit, ka deklaruar se në fillim askush nuk kishte besuar në suksesin e këtij ligji.
“Unë kam qenë pjesë e atyre që kanë pirë, kurse tani nuk e konsumoj as edhe një pikë alkool. Në familjen time nuk konsumohet alkooli, por as të afërmit nuk e preferojnë. Në fshatin tonë nuk kemi të dehur që bredhin rrugëve”, ka shtuar Imajev.
Në këtë fshat mund të gjendet alkooli vetëm në një market privat, në të cilën thonë se shitet birra dhe vodka, por deri më sot nuk ka pasur blerës të këtyre produkteve.
Banori i fshatit Ramil Shavalejev pranon se nuk i pëlqen të rikujtoj kohën kur kishte pirë, por shtoi se sot është njëri nga njerëzit më të respektuar në fshat.
“Kam pirë shumë, nuk kam mundur të ndalem. Po të mos hiqja dorë nga alkooli, sigurisht se do të vdisja diku ose do të ngrihesha nga të ftohtit”, thotë Ramil, i cili ka hequr dorë nga alkooli para dhjetë viteve, kurse gjatë vitit të kaluar në mënyrë simbolike kishte “varrosur” pakon e fundit të cigareve.
Kryetari i fshatit Ilshat Mudarisov nuk e di se sa kushton sot vodka, por pretendon se shumë bashkëfshatar e falënderojnë çdo ditë për propagandën që kishte bërë për alkoolin dhe të dehurit.
“Pse të harxhoj paratë në helm, më mirë të blejë ëmbëlsira dhe bombola”, ka shtuar Mudarisov, transmeton Telegrafi.
Ndërkaq fermerët e kësaj zone janë shprehur të gatshëm t’i dënojnë, apo t’i shkarkojnë nga puna të gjithë punëtorët e tyre nëse i zënë duke pirë alkool. Por, një gjë e tillë deri më sot nuk ka ndodhur, pasi që askush nuk dëshiron ta humb punën.
Ata në vend të vodkës pinë ujë nga një burim, me të cilin thonë se përgatitet shpejt çaji.
Këshilli i fshatit shpesh organizon mbledhje në të cilat të rinjtë kanë rastin të dëgjojnë të moshuarit duke u folur për dëmet që mund t’ua shkaktojë alkoolit, nikotina dhe narkotikët.
“Pas këtyre mbledhjeve njerëzit thjesht ndihen të turpëruar të pinë apo ecin të dehur nëpër rrugë”, ka shtuar Mudarisov.
E moshuara Madina Gimadejeva, ka pranuar se të gjithë në fshat bëjnë një jetë të shëndetshme, dhe se të moshuarit ndihmojnë kryetarin në realizimin e projekteve.
Këshilli Uktejevo, që përfshin pesë fshatra në mesin e të cilëve është edhe Minzitarovo, në vitin 2013 ka fituar në garën për “fshatin esëll” duke fituar 20 mijë ruble, në konkurrencën e fortë që morën pjesë afro 80 fshatra. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kryeministrja italiane e përshkruan propozimin rus për paqen në Ukrainë si “propagandë”
Publikohen rregullat për të cilat Biden dhe Trump kanë rënë dakord për të zhvilluar debatin e parë midis tyre
Aleati skeptik i qeverisë së Ukrainës betohet si presidenti i ri i Sllovakisë
G7 përfundon takimin e nivelit të lartë me një paralajmërim të fortë për Kinën
Tetë ushtarë izraelitë vriten brenda Gazës në një nga incidentet më vdekjeprurëse për forcat e Izraelit
Forcat ukrainase sulmojnë aeroportin ushtarak në Rusi
Liderët botërorë në samitin e G7 e befasojnë kancelarin gjerman me urimet për ditëlindjen e tij
Aeroplani luftarak rus futet në hapësirën ajrore të Suedisë
Konfirmohet numri i mercenarëve të vrarë të Wagnerit në Ukrainë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Dikur ishin refuzuar, tani janë lojtarë kyç: Gjashtë yje, një shqiptar mes tyre që mund të shkëlqejnë në Euro 2024
Hehir: Deklarata e Hillit, shembulli i fundit i qëndrimeve të tija pro-serbe
Forcat ukrainase sulmojnë aeroportin ushtarak në Rusi
Ndeshja hapëse e Euro 2024 solli një risi në përdorimin e VAR – tifozët e duan atë edhe në Ligën Premier
Topi i goditur nga Wirtz përfundoi në portë me një shpejtësi marramendëse
Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit