Kryeministri i Kosovës, Ramush Haradinaj, së bashku me ministrin për Zhvillim Ekonomik, Valdrin Lluka dhe atë të Mjedisit dhe Planifikimit Hapësinor, Albena Reshitaj, kanë takuar sot menaxhmentin e Kombinatit ‘Trepça’ në Mitrovicë, me ç’rast diskutuan rreth situatës aktuale në këtë ndërmarrje, punën që duhet bërë në të ardhmen, si dhe mundësitë për zbatimin e ligjit për Trepçën.
Haradinaj potencoi rëndësinë e madhe në shumë aspekte që ka ky gjigant. Ai tha se vizita e tij me bashkëpunëtorë sot këtu, duhet të kuptohet nga të gjithë pa dallim si gatishmëri që të fillohet me punë.
Sipas tij, është e pa tolerueshme vonesa e krijimit të Bordit mbikëqyrës për Trepçën dhe po ashtu është e pa tolerueshme lejimi i statusit të Trepçës si kompani e paregjistruar.
Ai ka theksuar obligimin e qeverisë ndaj minatorëve, duke përmendur këtu kategorizimin e pagave, përvojën e minatorëve, punësimin e fëmijëve të tyre dhe të ngjashme.
“Rëndësia e Trepçës në dimensionin ekonomik, por edhe në dimensionet tjera shoqërore është e madhe. Përgjegjësia e menaxhimit në Trepçë, për Trepçën, i tejkalon ato dimensionet e zakonshme të vetëm menaxhimit ekonomik. Pra, ndjeshmëria është shumë e madhe. Si rezultat i kësaj ndjeshmërie, pra peshës që ka, Parlamenti i Kosovës e ka aprovuar Ligjin. Ligji tani obligon qeverinë e vendit me marr obligimet e duhura të parapara me Ligj, veprime të cilat pastaj zbresin edhe tek ju, të cilat ju obligojnë zbatim në bazë të Ligjit”, ka thënë Haradinaj.
Ai ka thënë se duhet të shfrytëzohet mundësia për një integrim më të mirë të kësaj treve të Kosovës, përfshirë edhe veriun, ndërsa ka kritikuar vonesën e krijimit të Bordit mbikëqyrës të Trepçës.
“Ju lutem kuptojeni këtë lloj vizite si gatishmëri që të fillojmë pra me zbatim, të fillojmë me punë, është e patolerueshme me u vonuar krijimi i Bordit mbikëqyrës, por po ashtu është e pa tolerueshme me lejuar statusin e Trepçës si kompani të paregjistruar që ka vështirësi në operim dhe si pasojë e kësaj edhe probleme tjera. Ne jemi në obligim ndaj minatorëve, kur them në obligim janë disa tema që kanë të bëjnë me kategorizimin e pagave, stazhin e minatorëve, e që dëshirojmë me i trajtuar me seriozitetin e duhur…Njëkohësisht edhe pse nuk dëshirojmë me i prishë kurrë kriteret ligjore për punësim në Trepçë, ekziston një traditë e pashkruar në botë që fëmija i minatorit është më afër temës, njohurive, ai jeton me minierën”, ka thënë Haradinaj.
Ndërsa, menaxheri i Trepçës, Ahmet Tmava, ka bërë të ditur se ndërmarrja në aspektin financiar është në një gjendje të qëndrueshme, dhe këtë angazhim në këto rrethana të mbijetesës po tenton ta ruajë.
“Në aspektin financiar ndërmarrja është në një gjendje të qëndrueshme, dhe këtë angazhim në këto rrethana të mbijetesës po tentojmë ta ruajmë… Për fat të keq kemi minatorë 64 vjeçar, që me asnjë normë ndërkombëtare nuk lejohet, sepse është dashur që për shkak të stazhit të beneficuar ata veç të shkojnë në pension. Kemi edhe një gjendje shëndetësore të disa minatorëve e cila nuk është e mirë…Ky ristrukturim, këto pengesa janë bërë sepse sikur të kishim shkuar në rritje të numrit pa i bërë këto sqarime, mund të na sjellin telashe shumë të mëdha të afarizmit deri në këtë periudhë…Emëruesi i përbashkët i të gjitha problemeve, sfidave të kohës, është mos zbatimi i ligjit,” tha Tmava.
Kryeministri Haradinaj me bashkëpunëtorë pas vizitës së menaxhmentit, ka vizituar edhe disa prej punëtorëve në minierën e Stantërgut.
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit