Dhjetë transferimet më të shtrenjta në histori të Man Unitedit, Lukaku bëhet i dyti (Foto)

Romelu Lukaku është zyrtarizuar tërësisht sot (e hënë) si futbollisti më i ri i Manchester Unitedit për një shifër prej 75 milionë eurove, duke u bërë lojtari i dytë më i shtrenjtë në histori të klubit.

Manchester Unitedi, para një kohë apo më saktë në epokën e trajnerit legjendar, Sir Alex Ferguson, nuk njihej si ekip që shpenzon shuma të larta për blerjen e ndonjë futbollisti.

Megjithatë, tani viteve të fundit ka ndryshuar kjo gjë dhe Djajtë e Kuq janë kthyer në një skuadër shpenzuese duke e thyer edhe rekordin botëror të transferimeve vitin e kaluar, transmeton Telegrafi.

Është mesfushori Paul Pogba, i cili i kushtoi Unitedit plot 89.3 milionë funte për tu transferuar nga Juventusi, ndërsa pas tij është blerja e fundit, belgu Lukaku.

Portali i njohur “Goal.com” ka publikuar dhjetë transferimit më të shtrenjta në histori të klubit nga Old Trafford, ku shihet emra të mëdhenj, ndërsa Telegrafi ua sjell më poshtë. /Telegrafi/   

Paul Pogba – Nga Juventusi për 89.3 milionë funte

Romelu Lukaku – Nga Evertoni për 75 milionë funte

Angel Di Maria – Nga Real Madridi për 59.7 milionë funte

Juan Mata – Nga Chelsea për 37.1 milionë funte

Anthony Martial – Nga Monaco për 36 milionë funte

Victor Lindelof – Nga Benfica për 31 milionë funte

Dimitar Berbatov – Nga Tottenhami për 30.75 milionë funte

Eric Bailly – Nga Villarreali për 30 milionë funte

Rio Ferdinand – Nga Ledds United për 29.3 milionë funte 

Ander Herrera – Nga Athletic Bilbao për 29 milionë funte