Barcelona dëshiron që finalja e Kupës së Mbretit të zhvillohet në Bernabeu

Përcaktimi i stadiumit të finales së Kupës së Mbretit, pritet të sjell sërish debate të forta në Spanjë.

Barcelona, tashmë e kualifikuar në finale, pasi eliminoi Atletico Madridin, do t’i kërkojë Federatës Spanjolle të Futbollit që finalja të luhet në Santiago Bernabeu.

Barcelona ka për argument se ky stadium zë 81 mijë spektatorë dhe se kryeqyteti spanjoll ka kapacitetet e duhura për të akomoduar në hotele një numër të madh tifozësh të të dyja skuadrave finaliste.

Sigurisht që një propozim i tillë nuk do t’u pëlqejë drejtuesve të Real Madridit, të cilët nuk dëshirojnë që tifozët blaugrana të ketë mundësi ta festojnë trofeun pikërisht në Bernabeu.

Një tjetër alternativë, po në Madrid është Vicente Calderon, që mund të presë finalen e fundit të Kupës së Mbretit, pasi ky impiant do të prishet.

Edhe sezonin e kaluar, pasi ra poshtë pista Bernabeu, për shkak të koncertit të Bruce Springsteen, finalja e Kupës së Mbretit mes Barcelonës dhe Sevillas u zhvillua në  Calderon, ku festuan blaugranat.