Georgievski: Kontominas nuk më është përzier që ta zgjedh Gruevskin

Ljubço Georgievski, ish kryeministri dhe kryetari i OBRM-PDUKM ka mohuar pretendimet e ish drejtorit të DSK-së, Bogoevski, se zgjedhja e Gruevskit për ministër për Tregti, kurse më vonë edhe për Financa në qeverinë e viteve 1998-2002 kishte ndërhyrë biznesmeni kontrovers grek Kontominas, përcjell Telegrafi Maqedoni.

‘Nuk e di si ishte miqësia mes Kontominas dhe Nikolla Gruevskit, nuk kam përshtypje në atë kohë dhe nuk kam detaje të veçanta, se Kondominas ka sugjeruar Nikolla Gruevski të jetë ministër, kryeministër apo kryetar i OBRM-PDUKM-së, ajo është një absurditet, ajo është një interpretim i një njeriu që është i komprometuar plotësisht para se sistemit juridik të Republikës së Maqedonisë dhe tani të gjithë janë fajtorë. Përsëri theksoj se Sllobodan Bogoevski duhet të na tregojë marrëdhënien e tij me Kontominas, sa kohë janë miq, çfarë lloj marrëdhënie të biznesit kanë pasur dhe si ka ardhur në përfundimin të uzurpojë pronën e Kontominas’, tha Georgievski.

Lexo po ashtu Bogoevski: Kontominas më tha se e ‘ka në xhep’ Gruevskin

Georgievski për Radio Evropa e Lirë ka theksuar dhe se Kontominas nuk ka asnjë lidhje me OKTA, por se në Maqedoni ka ardhur si një partner në një prej drejtorive të Deutsche Telekom. /Telegrafi/