FC Prishtina ende nuk ka vendosur për të hyrë në pako me klubet tjera të Superligës, të drejtat televizive të të cilave Federata e Futbollit e Kosovës (FFK) i ka shitur për 150 mijë euro, shumë kjo që u vlerësua e ulët jo vetëm nga klubi më i madh kosovar, por edhe nga disa klube tjera dhe analistë.
Megjithëkëtë, 11 klubet tjera kanë pranuar propozimin e FFK-së që paratë e shitjes së të drejtave televizive t’u ndahen në mënyrë të barabartë, në një takim të përbashkët që patën ditë më parë, shkruan sot, gazeta Zëri.
Kurse, FC Prishtina as nuk e ka pranuar e as nuk e ka refuzuar këtë propozim, duke ia lënë Bordit të Klubit për të vendosur, ndonëse presidenti Remzi Ejupi nuk e kishte përjashtuar mundësinë për t’u bërë pjesë e kësaj pakoje, por kishte thënë se vendimin përfundimtar do ta marrë Bordi. Aksionarët e FC Prishtinës pritet të mblidhen të hënën, ku pos tjerash do të diskutojnë dhe do të marrin vendim edhe rreth kësaj çështjeje. Burime brenda klubit i kanë thënë “Zërit” se FC Prishtinën ende nuk e ka kontaktuar askush për t’i dhënë sqarime ofertuese. “Krejt çka na është thënë është ajo në atë takimin e para disa ditësh se të gjitha klubeve do t’u ndahen nga 15 mijë euro prej shitjes së të drejtave televizive. Asgjë tjetër, asnjë shpjegim, asnjë opsion, asnjë negocim, asgjë. Këto gjëra nuk kryhen kështu. Duhet ta dimë se çka po nënshkruajmë, çfarë obligime kemi, duhet ditur përgjegjësitë e palëve”, tha një burim i “Zërit” në FC Prishtinë.
“Ne nuk kemi thënë se kemi pranuar të hyjmë në atë pako, por kemi thënë se për këtë do të vendosë Bordi. Por, siç po e shihni gjatë këtyre ditëve të fundit nuk ka pasur më asnjë kontakt, asnjë ofertë. Sidoqoftë, Bordi ende nuk ka vendosur dhe vendimin mund ta marrë të hënën”, theksoi i njëjti burim.
Të drejtat televizive të Superligës janë shitur për 150 mijë euro, shumë e vogël në krahasim me shpenzimet që u janë shtuar klubeve, të cilat sivjet do të luftojnë me të madhe në Superligë për kualifikim në gara evropiane. Nga kjo dhe nga investimet që po i bëjnë klubet pritet të rritet kampionati kosovar. FC Prishtina gjithmonë ka dhënë vërejtje për çmimin e ulët të shitjes së të drejtave televizive dhe për mënyrën e ndarjes së parave. Bardhekaltrit kanë insistuar se kur paratë ndahen, klubet duhet të dallohen e jo të barazohet i madh me të voglin, kampioni me atë që bie nga Superliga apo shpenzuesi i madh me shpenzuesin shumëfish më të vogël.
Promo
Reklamo këtuLufta Prigozhin - Putin
Më shumëNga Rubrika
Nga Spanja raportojnë se Lunin ka arritur marrëveshje me gjigantin e Ligës Premier
Pas Salah-Klopp, Erling Haaland konfrontohet me Pep Guardiolan
“Për të shkuar në Euro 2024 duhet të bëj më shumë, grupi forca e Shqipërisë” – Daku flet për të gjitha edhe rreth Rubin Kazan
Granit Xhaka me 'predhën' e radhës në Bundesliga – super goli i tretë sezonal me fanellën e Bayer Leverkusen
Lista me trajnerët që kanë fituar më së shumti trofe – Ancelotti vetëm i pesti
Barcelona gjen zëvendësuesin e Lewandowskit në Angli
Bisedimet kanë nisur, Jose Mourinho befason të gjithë me skuadrën e tij të re
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Skuadrat që përfitojnë më shumë nga fanellat e tyre – askush nuk mund të mposhtë numrin 1
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak