Një delegacion i Vetëvendosjes i udhëhequr nga kryetari Albin Kurti, zhvilluan sot një takim në zyrat e BSPK-së në Prishtinë, ku u priten kryetari i BSPK-së, Avni Ajdini, nënkryetarja, Leonora Lokaj dhe nënkryetari, Atdhe Hykolli.
Më 3 shtator 1990, BSPK-ja organizoi grevën e përgjithshme në të gjithë territorin e Kosovës për të kundërshtuar masat e dhunshme të vendosura nga regjimi i Serbisë në krye me Sllobodan Millosheviçin.
Komunikata e plotë e Vetëvendosjes:
Më 3 shtator 1990, BSPK-ja organizoi Grevën e Përgjithshme në të gjithë territorin e Kosovës për të kundërshtuar masat e dhunshme të vendosura nga regjimi i Serbisë në krye me Sllobodan Millosheviçin. Kërkesat e saj ishin:
1. Kthimi i punëtorëve shqiptarë të larguar në kundërshtim me konventat ndërkombëtare, 2. Të mos pengohej puna e Qeverisë dhe e Kuvendit të Kosovës.
Punëtorët shqiptarë dhe BSPK-ja e kishin të qartë se çështjet socio-ekonomike janë të lidhura në mënyrë të pandashme me çështjen kombëtare shqiptare dhe se fitorja mund të arrihej vetëm duke luftuar për këto dy kauza njëkohësisht. Prandaj, punëtorët e Kosovës iu përgjigjën në mënyrë masive thirrjes për grevë. Me hap që ndërmorën ata i tronditën planet e Serbisë dhe i dhanë hov rezistencës për çlirimin e plotë të vendit.
Për ta shënuar këtë datë, kryetari i Lëvizjes VETËVENDOSJE!, Albin Kurti, nënkryetarja, Fatmire Kollçaku dhe sekretari për Marrëdhënie me Jashtë, Boiken Abazi, zhvilluan sot një takim në zyrat e BSPK-së në Prishtinë. Ata u pritën nga kryetari i BSPK-së, Avni Ajdini, nënkryetarja, Leonora Lokaj dhe nënkryetari, Atdhe Hykolli.
Në këtë takim Albin Kurti theksoi se Kosova që nga lufta e këtej po kalon në situatën më të rëndë sociale dhe ekonomike dhe jo rastësisht kjo periudhë po shoqërohet edhe me propozime politike tejet të rrezikshme dhe të dëmshme për Kosovën në dialogun me Serbinë. Ai përsëriti gatishmërinë e përhershme të Lëvizjes VETËVENDOSJE! si forcë social-demokrate, për të bashkëpunuar me BSPK-në në nivel lokal dhe ndërkombëtar, në përpjekjen për të drejtat e punëtorëve dhe për sigurinë në punë, duke shfrytëzuar edhe forume si Internacionalja Socialiste, ku është anëtarësuar së fundmi Lëvizja. Përfaqësuesit e BSPK-së ngritën gjithashtu shqetësimet për gjendjen ekonomike të vendit dhe për të drejtat e punëtorëve. Ata nënvizuan nevojën për rritjen e pagës minimale, gjë të cilën Lëvizja VETËVENDOSJE! e ka kërkuar edhe në Kuvendin e Republikës së Kosovës. Përfaqësuesit e BSPK-së folën edhe për vendimet e dis a prej federatave sindikale për të zhvilluar greva në javët në vijim, si një nga mjetet e fundit që kanë mbetur në duar të punëtorëve për të kërkuar të drejtat e tyre dhe për t’i mbrojtur ato.
Kosova sot është sërish në rrezik për shkak të pushtetarëve të papërgjegjshëm. Në frymën dhe në shembullin e Grevës së Përgjithshme të 3 shtatorit të vitit 1990, punëtorët e Kosovës dhe forcat progresive në mënyrë të domosdoshme duhet t’i ndërlidhin çështjet sociale dhe ekonomike me atë kombëtare për ta shpëtuar vendin dhe për të sjellë zhvillimin.
Përfaqësuesit u pajtuan t’i vazhdojnë takimet dhe bashkëpunimin në të ardhmen
Promo
Reklamo këtuLufta Prigozhin - Putin
Më shumëArratiset Enver Sekiraqa, policia ka informuar të gjitha vendkalimet kufitare
Arratisja e Enver Sekiraqes, flet avokatja e tij
Kupchan: Përgatitja për themelimin e Asociacionit, vendim i rëndë për Kosovën
Flet shqiptari që vrau gruan: Nuk pendohem, hante me paratë e mia dhe më tradhtonte
Serwer ngre pikëpyetje: Çfarë duhet bërë me Asociacionin?
Goditen grupet kriminale në Shqipëri, sekuestrohen pasuri në vlerë 4.5 milionë euro, arrestohen 50 persona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare