0Shares

Treni i linjës Shkodër-Tiranë ka goditur një automjet në vendin e quajtur Kaç në Shkodër dhe për pasojë ka humbur jetën një dhe janë lënduar rëndë dy persona të një familje, të cilët udhëtonin me automjetin e përplasur.

Sipas policisë ngjarja ka ndodhur sot rreth orës 18:00, ndërsa ka humbur jetën Altin Kovaçi, kurse janë lënduar shtetasit Arnest dhe Vitore Kovaçi, transmeton BW.

Me plagë të rënda ishte shtruar në spitalin e Shkodrës edhe Altin Kovaçi, i cili nuk ka mundur t’i rezistojë plagëve të marra, duke ndërruar jetë 20 minuta pas ngjarjes, ndërsa dy bashkëfamiljarët e tij ndodhen në gjendje të rëndë.

Mësohet se mjeti është përplasur nga treni, teksa tentonte të kalonte në shinat e trenit. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)