Tre ish-policë ushtarakë kroatë u burgosën për krime kundër të burgosurve serbë të luftës që u rrahën dhe torturuan në burgun Loran në qytetin bregdetar të Splitit në vitin 1992.
Ish-oficerët ushtarakë kroatë Tonci Vrkiq, Ante Gudiq dhe Anxhelko Botiq u dënuan të hënën për krime lufte kundër të burgosurve serbë të luftës në kampin e burgut ushtarak Loran në Split në vitin 1992, njoftoi faqja kroate e lajmeve Index.
Në rastin e ashtuquajtur “Lora 2”, Gjykata e qarkut të Splitit e dënoi Vrkiqin, zv/komandantin e kampit, me gjashtë vjet burg dhe dy anëtarët e Batalionit të 72-të të Policisë Ushtarake të Kroacisë, Gutiq dhe Botoq, me nga katër vjet burg secili.
Burrat u shpallën fajtorë për abuzimin fizik të të burgosurve në kamp. Të burgosurit u rrahën, u torturuan me energji elektrike, iu nënshtruan talljeve dhe iu bë dush me ujë të ftohtë.
Disa nga të burgosurit pësuan plagë me armë zjarri dhe kocka të thyera, dhe tre prej tyre – Bojan Vesoviq, Dushan Jeliq dhe Vlade Saviq – u vranë dhe u varrosën në një varrezë ortodokse në qytetin boshnjak të Tomislavgradit. Ata u zhvarrosën më vonë dhe u rivarrosën nga familjarët e tyre.
Në një çështje më vete në vitin 2007, Gjykata e Lartë Kroate e dënoi Vrkiqin me tetë vjet burg dhe Gudiqin dhe Botoqin me nga gjashtë vjet burg për krime lufte kundër civilëve serbë në kampin Lora në 1992.
Në këtë çështje, e cila u ashtuquajt “Lora 1”, ish-policët ushtarakë u gjykuan për torturim dhe abuzim të civilëve serbë dhe vrasjen e dy prej tyre, Gojko Buloviq dhe Nenad Knezheviq.
Si rezultat i këtyre dënimeve të mëparshme, gjykata e Splitit tha të hënën se burrat duhet të kryenin një dënim të kombinuar me burg të të dy dënimeve të dhëna. Vrkiq dhjetë vjet burg dhe Gudiq dhe Botiq nga tetë vite burg secili.
Edhe pse të akuzuarit nuk i pranuan krimet, përfaqësuesit e tyre të mbrojtjes thanë se ata nuk do të apelojnë ndaj vendimit.
Gjyqi për çështjen “Lora 2” filloi në shtator 2015, por u shty disa herë për shkak të çështjeve procedurale.
Dy burra që u akuzuan bashkë me ta, komandanti i burgut Tomislav Duiq – i arrestuar në shkurt të vitit 2016 pas 11 vjetësh në arrati – dhe një polic tjetër ushtarak Emilio Bungur – i arrestuar në gusht 2015 pas dhjetë vjetësh në arrati – po gjykohen më vete.
Duiq dhe Bungur po rigjykohen përsëri për çështjen “Lora 1”, pasi vendimi për ta u dha në mungesë të tyre.
Një tjetër çështje e njohur si “Lora 3”, e cila përqendrohet në krimet e dyshuara të luftës të kryera kundër të burgosurve të Ushtrisë Popullore Jugosllave, kryesisht malazezë, po hetohet ende nga zyra e avokatit kroat të shtetit.
Lufta Prigozhin - Putin
Më shumëPse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Zelensky paralajmëron për një "Çernobil të dytë"
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Franca dhe Gjermania nënshkruajnë marrëveshjen miliarda euroshe mbi një projekt armësh
SHBA fillon ndërtimin e bazës lundruese në brigjet e Gazës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre