0Shares

Përfaqësuesit e partive politike në Kosovë, para pak ditësh kanë zhvilluar një takim në Tiranë për të diskutuar rreth zhvillimeve të fundit, raporton Zeri.info.

Takimi ka qenë i ndërmjetësuar nga pjesëtari i shoqërisë civile, Naim Rashiti.

Edhe Rashiti vetë, gjatë ditës së sotme, e ka konfirmuar një gjë të tillë.

“Takimi i radhës në kuadër të dialogut politik është mbajtur ne Tiranë në nivel të nënkryetarëve dhe përfaqësuesve të lartë të subjekteve politike parlamentare, PDK, LDK, VV, AAK dhe NISMA”, ka deklaruar ai.

Rashiti më tej, ka thënë se në këtë takim u bisedua për shumë çështje aktuale dhe se edhe tash e tutje do të ketë takime të tjera të këtij lloji.

“Ky është takimi i 9-të i këtij niveli nga marsi i viti 2016. Dialogu politik i filluar vitin e kaluar do të vazhdojë i pandërprerë dhe të gjitha çështjet e rëndësishme do të jenë pjesë e diskutimeve midis subjekteve politike. Kësaj radhe ky takim ndodhi në Tiranë e takimet tjera do të vazhdojnë të mbahen në Prishtinë, dhe jo vetëm”, ka potencuar ai.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)