0Shares

Përfaqësuesja e Kosovës U-20 ka shënuar një tjetër fitore në kampionatin evropian të basketbollit duke mposhtur Irlandën.

Në Divizionin B të këtij kampionati Kosova shënoi fitore të jashtëzakonshme ndaj Irlanëds, duke e mposhtur skuadrën e papërshtatshme nga ishulli.

Kosova kishte dominimin në çerekun e dytë dhe të tretë, që janë specialitet i trajnerit Jeton Nixha i cili nxori më të mirën nga lojtarët e tij në dispozicion, shkruan Telegrafi.

Më i miri ishte Rinor Peci me 22 pikë, 5 kërcime, 3 asistime dhe 6 topa të vjedhur.

Valon Bunjaku shtoi 10 pikë me saktësi të lartë i pasuar nga Kryeziu me 16 pikë nga stoli.

Me këtë fitore Kosova arrin triumfin e dytë radhazi dhe ka gjasa të mira për të shkuar tutje në këtë kampionat nëse arrin t’i mposhtë edhe skuadra tjera të papërshtatshme.

/Telegrafi/

Të Ngjajshme
Shfaq Komentet (0)