Futbollisti i Chapecoense i mbijetoi katër ndërhyrjeve kirurgjike, dhe kur u zgjua mori një lajm të mirë (Foto/Video, +16)

Të paktën një lajm i mirë ka ardhur pas tragjedisë në të cilën humbën jetën 71 persona, ku ishin edhe futbollistët e ekipit Chapecoense.

Futbollisti 31-vjeç Neto, është në gjendje stabile shëndetësore, madje edhe pas katër ndërhyrjeve kirurgjike në mushkëri, gjunjë, kyçin e këmbës dhe kokë, transmeton Telegrafi.

Lexo po ashtu Lajmet e fundit nga Chapecoense pas tragjedisë ajrore!

Pas aksident ajror, gjendja shëndetësore e futbollistit Neto ishte e rëndë, ndërsa pamjet e publikuara në mediat botore ishin shokuese, por fatmirësisht ai tani është në gjendje stabile.

Babai i tij Helam ka njoftuar përmes Facebook-ut, se i është kthyer shpresa se i biri i tij do të shërohet.

“Djali im është në gjendje më të mirë shëndetësore dhe pas operimit të këmbës, mjekët kanë thënë se do të mund t’i kthehet futbollit. Por ne do të vazhdojmë të lutemi për të”, ka shkruar Helam.

Ndërkaq, mjekët kanë bërë të ditur se portierit Jackson Ragnar Folman nuk do t’i amputohet këmba e majtë, derisa për fat të keq një gjë e tillë është dashur të bëhet në këmbën e djathtë.

Edhe futbollisti Alan Rushell ka kaluar mirë gjatë operacionit në kurriz dhe nuk do të ketë kurrfarë problemi me ecjen, por është përmirësuar edhe gjendja shëndetësore e gazetarit Rafael Hencel. /Telegrafi/