Zyrtare: Lajm i mirë për Etrit Berishën, Fiorentina transferon rivalin e tij (Foto)

Fiorentina kanë konfirmuar zyrtarisht transferimin e portierit të Atalantas, Marco Sportiello, në formë huazimi me opsionin blerje në fund të sezonit.

24-vjeçari italian shihet si një nga portierët më premtues të rinj në Itali, dhe ishte i lidhur shumë me Napolin gjatë verës.

Megjithatë, sot është njoftuar se ai do të bashkohet me klubin Viola, në atë që fillimisht do të jetë një marrëveshje huazimi, por që mund të bëhet e përhershme.

“ACF Fiorentina njofton nënshkrimin, në baza të përkohshme me të drejtën e blerjes me lojtarin Marco Sportiello nga Atalanta”, thuhet në deklaratën në faqen zyrtare të klubit, përcjell Telegrafi.

Lexo po ashtu Kalinic tundohet nga oferta kineze

“Sportiello ka lindur në Desio më 10 maj 1992 dhe e ka veshur fanellën e Atalantas për katër sezonet e fundit, duke bërë 84 paraqitje në Serie A”, përmbyllet deklarata e Fiorentinës.

Nuk është ende e qartë nëse e drejta e blerjes së Fiorentinës do të bëhet e detyrueshme në kushte të caktuara apo është vetëm me drejtë blere, por gjithsesi që ky lajm është i mirë për gardianin e kombëtares, Etrit Berisha, i cili tani pa diskutim do të jetë portieri numër një i Atalantas. /Telegrafi/

Fiorentina comunica di aver acquisito,a titolo temporaneo fino al 30 giugno 2018, con diritto di riscatto, Marco Sportiello dall’Atalanta pic.twitter.com/ivTQI5mZFP

— ACF Fiorentina (@acffiorentina) January 13, 2017