Zelensky akuzon Rusinë se po gjuan me artileri njerëzit që përpiqen të largohen nga zonat e përmbytura

Presidenti i Ukrainës ka akuzuar Rusinë se po përpiqet të bëjë “dëm maksimal”, pasi diga Kakhovka u shkatërrua në rajonin jugor të Khersonit të pushtuar nga Rusia.

Autoritetet janë përpjekur të shpëtojnë mijëra njerëz, disa prej të cilëve u desh të tërhiqeshin në çatinë e shtëpisë së tyre për të shmangur përmbytjet e rënda të shkaktuara nga shkelja, transmeton Telegrafi.

Volodymyr Zelensky tha se situata është e tmerrshme dhe bëri thirrje për një “përgjigje të qartë dhe të shpejtë nga bota” për të ndihmuar vendin të rimëkëmbet.

Lexo po ashtu Momenti kur forcat ukrainase hodhën në erë tankun rus

“Është madje e pamundur të përcaktohet me siguri se sa njerëz në territorin e pushtuar përkohësisht të rajonit Kherson mund të vdesin pa shpëtim, pa ujë të pijshëm, ushqim e pa kujdes mjekësor”, shkroi ai në Telegram.

“Evakuimet nga qytetet e qytezat e prekura kishin ndodhur, por po ndërpriteshin nga zjarri i artilerisë ruse”, shtoi Zelenskyy në fjalimin e tij të natës.

“Artileria ruse vazhdon të gjuajë pa marrë parasysh se janë civilët duke u larguar”, tha ai.

Lexo po ashtu Çfarë dihet për digën e shkatërruar ukrainase dhe cilat janë pasojat?

Të paktën 2,000 njerëz janë shpëtuar në Kherson dhe Mykolaiv, shtoi ai, por paralajmëroi se situata në zonat e pushtuara nga Rusia është “absolutisht katastrofike”.

“Propagandistët rusë po diskutonin seriozisht dhe hapur pikërisht këtë skenar të një fatkeqësie të shkaktuar nga njeriu, të cilën ata e shkaktuan,” tha ai. /Telegrafi/