Rreth 700 inspektime janë bërë që nga e hëna, prej kur është vendosur për masa të reja dhe Agjencia e Ushqimit dhe Veterinës (AUV) ka shqiptuar rreth 30 gjoba për bizneset, kryesisht sektorin e gastronomisë.
Ky institucion bashkë me Policinë e Kosovës janë dy nga autoritet kryesore për mbikëqyrjen e zbatimit të masave antiCOVID. Shkeljet më të madha të këtyre masave janë mos-respektimi i orës së lëvizjes dhe distancës sociale.
Kështu bën të ditur për KosovaPress zëdhënësi i Agjencisë së Ushqimit dhe Veterinarisë, Lamir Thaçi, i cili shton se ka pasur raste edhe të mbylljes së lokaleve.
“Bazuar në vendimin e fundit që ka hyrë dy ditë më parë në fuqi, atëherë ne kemi realizuar rreth 700 inspektime. Dhe prej tyre kanë rezultuar që është dashur të shqiptohen rreth 30 gjoba për subjekte juridike, kryesisht lokale të gastronomisë. Po ashtu, ne kemi shqiptuar edhe masa më të ashpra ndëshkimore, duke përdorur edhe masën e mbylljes për raste recidiviste për ata që nuk kanë respektuar vendimet e qeverisë”, tha ai.
Qeveria e Kosovës më 18 prill ka marrë vendim për masa të reja për kontrollin, parandalimin dhe luftimin e pandemisë COVID-19, me të cilat kufizohet qarkullimi i qytetarëve dhe puna e gastronomisë nga ora 22:30 deri në 05:00. Thaçi tregon se cilat janë regjionet me më së shumti gjoba.
“Ne nuk mund t’i ndajmë me regjione, ka disa regjione që kemi pasur probleme më shumë. Por, aty kemi ndërhyrë edhe me ekipe shtesë të inspektorëve. Duke dërguar ekipe edhe prej regjioneve të tjera. Por, në përgjithësi, niveli i respektimit të masave është i njëjtë”, tha Thaçi.
Zëdhënësi i AUV-it thekson se inspektime po kryhen edhe në Qendra të Mjekësisë Familjare, disa spitale regjionale dhe kryesisht edhe tek institucionet shkollore.
“Respektimi i masave në masë të përgjithshme është i mirë. Kryesisht institucionet kanë krijuar kushtet për parandalimin dhe luftimin e sëmundje COVID-19”, tha Thaçi.
Për tre muajt e parë të këtij viti, KosovaPress mëson se janë kryer mbi 31 mijë inspektime, ku janë shqiptuar 715 gjoba juridike dhe 764 gjoba fizike. Për shkelësit e masave, organet kompetente obligohen të shqiptojnë masat ndëshkimore sipas Ligjit për Parandalimin dhe Luftimin e COVID-19 në territorin e Kosovës dhe ligjeve të tjera në fuqi.
Lufta Prigozhin - Putin
Më shumëPasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
Shtrohet darka tradicionale për musafirët special të Panairit Horeca
EBC Cosmetics vjen me zbritjen më të madhe vjetore
Modë apo relaks?
Eksploro natyrën me stil dhe komoditet me ofertat e Melodia Px për Ditën e Punëtorëve!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre