Unitedi ka gati 200 milionë euro për transferimin e Neymarit

Sa më shumë kalojnë ditët aq më shumë rriten dyshimet se Neymar do të vazhdojë të mbajë të veshur fanellën e Barcelonës.

Mediat angleze e quajnë pothuajse të mbyllur kapitullin e brazilianit me katalanasit, duke e dërguar atë drejt e në “Old Trafford” nën urdhrat e Jose Mourinhos.

Edhe pse portugezi pak ditë më parë deklaroi se më e lehtë është të blesh Messin se sa sulmuesin brazilian, duket se pas kuintave ai po lëviz me shpejtësi për t’ia bashkuar asin e Barcelonës skuadrës së tij.

Lexo po ashtu ​Mourinho: E pamundur ta transferojmë Neymarin

Mediat ishullore theksojnë se mundësia për të parë Neymar sezonin e ardhshëm në Ligën Premier është e madhe, transmeton Supersport.

Sipas “The Sun”, ish sulmuesi i Santosit po e vuan shumë bashkëpunimin në sulm me dy pesha të rënda si Messi dhe Suarez, prandaj ai po bën gati valixhet dhe destinacioni më i mundshëm është Manchester United që ndryshe nga PSG i ofron mundësinë të garojë në një kampionat të luftuar dhe shumë të bukur.

Një tjetër alternativë për sulmuesin është edhe Chelsea që gjithsesi nuk mund të bëjë shpenzime të çmendura si në rastin e “Djajve të Kuq” që kanë gati 200 milionë euro për t’ia postuar Barcelonës.

Lexo po ashtu Neymar: Dua ta fitoj Topin e Artë, por nuk e kam me nxitim

Kontrata e Neymarit me katalanasit skadon në vitin 2021, por klauzola mund të rezultojë çelësi i suksesit për transferimin e tij në ishull.

Në të njëjtën kohë, Manchester Unitedi ka edhe një propozim joshës për ta bërë Neymarin lojtarin më të paguar të planetit duke i ofruar plot 25 milionë funte në sezon.