Stoli nga ku filloi historia 119 vjeçare e Juventusit (Foto)

Të gjitha klubet kanë një histori të themelimit, ndërsa ajo e Juventusit është e veçantë sikurse e çdo klubi.

Disa student të rinj të Liceut të Torinos, me 1 nëntor të vitit 1897 kanë krijuar klubin e quajtur Sport Club Juventus.

Ata ishin të ulur në një stol kur vendosën që ta krijojnë këtë klub dhe stoli është simbol i krijimit të këtij klubi.

Sot skuadra më e madhe italiane ka ditëlindjen e 119.

Edhe pse ky klub në historinë e tij kishte batica dhe zbatica sot është shembull për klubet italiane, duke pasur të ardhura të shumta dhe stadium të vetin.

Për Juven ndër vite kanë luajtur lojtarë të mëdhenj si Omar Sivori, Gaetano Scirea, Dino Zoff, Giampiero Boniperti, Michel Platini, Zinedine Zidane, Alesandro Del Piero, Pavel Nedved e Giannuligi Buffon.

Ata janë zyrtarisht 32 herë kampion të Italisë, ndërsa dy herë e kanë fituar Ligën e Kampionëne.

Klubi është në duart e familjes Agnelli që nga vitit 1923 dhe vazhdon të kontrollohet me shumë sukses nga kjo familje. /Telegrafi/