Shkencëtarët po krijojnë një lloj coronavirusi që do të shfrytëzohet për zbulimin e një vaksine kundër COVID-19

Shkencëtarët po krijojnë një lloj coronavirusi që mund të përdoret në testimet klinike tek njerëzit për të zbuluar vaksinën kundër COVID-19.

Eksperti më i lartë i sëmundjeve infektive të SHBA-ve, mjeku Anthony Fauci, konfirmoi për CNN-in se shkencëtarët në Institutin Kombëtar të Alergjisë dhe Sëmundjet Infektive, po punojnë për të krijuar një lloj coronavirusi që mund të përdoret në testimet klinike te vullnetarët për të zbuluar një vaksinë kundër COVID-19.

Fauci, drejtori i NIAID, e përshkroi këtë qasje si një “Plan D” – dhe puna është në fazën fillestare. Nëse do të ishte e nevojshme, testimet e tilla te njerëzit do të bëheshin shumë më shpejt, transmeton Telegrafi.

“Ne po marrrim masa paraprake”, tha ai. Testimet e resurseve njerëzore shfrytëzohen zakonisht kur një virus nuk qarkullon gjerësisht – por po coronavirusi – dhe për këtë arsye, kjo qasje mund të mos jetë e nevojshme, sipas Faucit.

“Nëse ka nevojë për studime para testimeve te njerëzit, ku do të vlerësohej plotësisht vaksina ose terapeutikë për SARS-CoV-2, NIAID ka filluar hetimet teknike dhe etike të kryerjes së testimeve te njerëzit”, tha 79-vjeçari.

Lexo po ashtu Paralajmëron Anthony Fauci: Synimi për imunitetin e tufës ndaj COVID-19, do të çonte në numër masiv vdekjesh në SHBA

Ndryshe, 20.9 milionë njerëz janë infektuar në botë gjersa kanë ndërruar jetë mbi 765 mijë persona. /Telegrafi/