Reagimi zyrtar i Barcelonës: Dënojmë dhunën në rrugët e qytetit, u refuzua kërkesa për shtyrjen e ndeshjes

Gjiganti katalunas, Barcelona ka dalë me një njoftim zyrtar për ngjarjet që po ndodhin në qytet.

Katalunia ka referendum ku qytetarët po votojnë për pavarësi që të ndahen nga Spanja.

Kjo ka bërë që policia spanjolle të futet me dhunë nëpër shkolla që janë përdorur si qendra votime dhe ka goditur njerëzit nëpër rrugë me shkopinj gome por jo vetëm kaq pasi ka pasur edhe të shtëna në drejtim të tyre me plumba të gomës.

Barcelona kërkoi shtyrjen e ndeshjes me Las Palmas, por një gjë e tillë u anulua nga Federata e Futbollit të Spanjës.

Klubi kampion i shumëfishtë në La Liga, ka dënuar ngjarjet e dhunshme në qytet dhe ka njoftuar se zyrtarisht do të luajnë ndeshjen ndaj Las Palmas.

“FC Barcelona dënon ngjarjet që kanë vendosur dhunë në shumë pjesë të Katalonisë në mënyrë që të parakalojnë qytetarët e saj që të ushtrojnë të drejtën e tyre demokratike për shprehje të lirë”.

“Duke pasur parasysh gjendjen e jashtëzakonshme të ngjarjeve, bordi i drejtorëve ka vendosur që Barcelona kundër Las Palmas do të luhet me dyer të mbyllura, pas refuzimit nga liga profesionale e futbollit për ta shtyrë ndeshjen”, thuhet në njoftimin zyrtar të Barcelonës.

Barcelona e ka nisur në mënyrë të mrekullueshme edicionin në La Liga duke fituar gjashtë ndeshjet e para.

Por në rast se Katalonia fiton pavarësinë, atëherë Barcelona ka paralajmëruar se do të largohet nga La Liga. /Telegrafi/