Hormonet seksuale ndikojnë në pamjen e një gruaje dhe niveli jonormal i tyre përveç se ndikon drejtpërdrejt në shëndetin e organizmit (duke ndikuar në pamjen e jashtme), mund ta ul vetëvlerësimin dhe vetëbesimin e saj
Dr. Rreze Serhati Morina
Endokrinologe
tel. 049667722
Vetëvlerësimi është shumë i rëndësishëm në motivimin jetësor dhe suksesin në familje e karrierë.
Dihet që testosteroni është hormon mashkullor dhe estrogjeni është hormon femëror. Mund të duket e çuditshme, por edhe një grua, krahas hormoneve femërore, normalisht prodhon edhe hormone mashkullore, ashtu siç prodhon edhe një burrë hormone femërore.
Testosteroni është androgjen i cili luan rol në riprodhim, në rritje dhe në mbajtjen e trupit të shëndetshëm. Ky hormon te burrat prodhohet kryesisht në testikuj, kurse tek gratë e prodhojnë vezoret, gjëndrat mbiveshkore, qelizat yndyrore dhe qelizat e lëkurës.
Përgjithësisht, një grua e prodhon 1/10 deri 1/20 e sasisë së testosteronit që e prodhon organizmi i një burri, por disa gra mund të prodhojnë më shumë hormone mashkullore se sa gratë tjera.
Cili është funksioni i testosteronit në organizmin e një gruaje?
Testosteroni dhe hormonet tjera mashkullore luajnë rol të rëndësishëm në organizmin e gruas. Ndikojnë në:
– Shëndetin e eshtrave
– Gjinj
– Fertilitet (mbetja shtatzënë)
– Ciklin menstrual
– Epshin dhe kënaqësinë seksuale
– Mirëqenien e vagjinës
Organizmi i gruas shumë lehtësisht e shndërron testosteronin (dhe androgjenet tjera) në hormone seksuale femërore.
Normalisht edhe tek vajzat (ashtu siç ndodh edhe tek djemtë), gjatë pubertetit ndodhë një rritje e hovshme e prodhimit të hormoneve seksuale (testosteronit dhe estrogjenit). Kjo rritje vazhdon edhe kur ajo vajzë do të jetë një grua.
Prodhimi i hormoneve seksuale ndikon në zhvillimin e karakteristikave seksuale sekondare si pamja trupore, tonaliteti i zërit (zëri i thellë dhe zëri i hollë), rritja e qimeve në fytyrë e trup, zhvillimi i gjinjve etj.
Tek një grua, edhe pse prodhohen hormone mashkullore, nuk shfaqen karakteristikat mashkullore, sepse testosteroni vepron ndryshe në organizmin e tyre dhe shumë shpejt shndërrohet në estrogjen. Por, ka raste kur organizmi i një gruaje prodhon sasi të shtuar të hormoneve mashkullore dhe rrjedhimisht trupi i tyre nuk arrin ta shndërrojë në estrogjen.
Si rezultat ndodhë virilizimi apo maskulinizimi që është theksimi i karakteristikave seksuale sekondare mashkullore si:
– Shfaqja e qimeve në fytyrë e trup
– Rënia e flokëve
– Aknet
– Problemet me nivelin e sheqerit në gjak
– Infertiliteti
– Mungesa e menstruacioneve
– Obeziteti
– PCOS (sindromi i vezoreve policistike).
Është shumë e rëndësishme që të zbulohet problemi mjekësor i cili shkakton rritjen e këtyre hormoneve. Mund të jenë problemet me vezoret, me gjëndrat mbiveshkore ose ndonjë problem tjetër. Ndonjëherë, edhe pse trajtohet dhe normalizohet problemi mjekësor, prapëseprapë niveli i hormoneve mashkullore vazhdon të mbetet i lartë. Zakonisht mjekimi bëhet me glukokortikoide, kontraceptivë oralë, metforminë dhe spironolakton.
Janë disa ushqime dhe preparate bimore të cilat ndikojnë në zvogëlimin e sasisë së hormoneve mashkullore. Këto janë: boronica, fara e lirit, çaji i gjelbër, arrat, soja, bozhurja e bardhë, vaji bimor etj.
Para se të vendosni që t’i konsumoni këto preparate bimore, patjetër konsultohuni me mjekun për ta përjashtuar mundësinë që këto të ndikojnë negativisht në trupin tuaj ose që të ndërveprojnë me ndonjë bar që e merrni. /Telegrafi/
Lufta Prigozhin - Putin
Më shumëUdhëzuesi i Kendall Jenner për veshjet pranverore? Pa një bluzë apo këmishë!
Si ta lehtësoni dhe mjekoni kapsllëkun te foshnjat dhe fëmijët
Qindra emra shqiptarë dhe ilirë për fëmijën tuaj
Unë vishem vetë!
Maska më e mirë kundër zbokthit
Mami! Po më dhemb koka!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre