Nikollovski: Ngrirja e çmimeve nuk ndikon në të ardhurat e bujqve

Ngrirja e çmimeve nuk do të ndikojë në shpenzimet dhe në të ardhurat e bujqve, por për të gjithë ata që duan të përfitojnë në kurrizin e qytetarëve, vlerësoi ministri i Bujqësisë, Pylltarisë dhe Ekonomisë së Ujërave Ljupço Nikollovski.

Në analizat që i ka bërë resori që e menaxhon, siç deklaroi, janë përcaktuar qartë shpenzimet e prodhimit të bujqve dhe çmimet e blerjes që u paguhen.

“Nga ato analiza del se pjesa më e madhe e çmimeve që paguajnë qytetarët shkojnë për marzh, jo për bujqit. Ndërsa në këtë moment nuk e kemi atë prodhim vendas dhe prandaj i gjithë mendimi ynë ishte që në këtë moment nuk ka problem në pjesën e prodhimit vendas të atyre prodhimeve, gjegjësisht ngrirja dhe kufizimi i këtyre çmimeve nuk do të ndikojë në shpenzimet dhe të ardhurat e bujqve, por do të ndikojë për të gjithë ata që duan të përfitojnë në kurrizin e qytetarëve. Në çmimin e përgjithshëm, përfaqësimin më të madh ka marzhi”, deklaroi Nikollovski, në pyetjen e gazetarëve para diskutimit publik për thjeshtësimin e procedurave të lejeve për objekte për përpunim primar të prodhimeve bujqësore.

Në MBPEU dje është mbajtur takim me bujqit nga prodhimi serrë dhe kërkesat e tyre, siç paralajmëroi, do të shqyrtohen për të parë sa janë shpenzimet.

Ai theksoi se nuk i analizojnë çmimet e importit, por prodhimi vendas.

“Nuk kemi kompetenca të shqyrtojmë dhe të përcaktojmë çmimin e prodhimeve nga Shqipëria apo Serbia. Kjo nuk është në kompetencë të MBPEU-së. Mund të përgjigjem për atë që është me fakte dhe argumente dhe këtë e bëj çdo ditë. Duhet t’i mbrojmë bujqit sepse nuk mundet me marzhet që janë vendosur në prodhimeve vendase, në fund dikush do të përfitojë në kohë krize”, tha Nikollovski.

Shtoi se jemi shteti i vetëm në rajon që kemi dhënë mbështetje për 40 për qind për subvencionimin e plehrave artificiale kur u konstatua se çmimi është rritur mbi 100 për qind.

Me vendim të Qeverisë prej dje janë përcaktuar çmimet më të larta në tregti të shitjes me pakicë për domatet e freskëta, trangujt të freskët, qepët, lulelakrës, specave të gjelbër të freskët, fasules, thjerëzës, bananeve, portokajve, mandarinave dhe limonëve. Një kilogram domate të freskëta mund të shitet më së shmti 70 denarë për kilogram, trangujt e freskët deri në 75 denarë për kilogram, një kilogram qepë deri në 60 denarë, një kilogram lulelakër deri në 70 denarë, një kilogram speca të gjelbër të freskët deri në 90 denarë, një kilogram fasule deri në 75 denarë, një kilogram thjerrëza deri në 110 denarë, një kilogram banane deri në 70 denarë, një kilogram portokall deri në 55 denarë, një kilogram mandarina deri në 60 denarë dhe një kilogram limonë deri në 55 denarë.