Napoli refuzon ofertën e lartë të Galatasaray për Osimhen

Napoli thuhet se ka refuzuar një ofertë prej 65 milionë eurosh nga Galatasaray për sulmuesin Victor Osimhen.

Osimhen është i huazuar te Galatasaray deri në fund të sezonit, por klubi turk nuk ka mundësi ta bëjë të përhershëm lëvizjen e tij.

Sipas Il Corriere dello Sport, gjiganti turk ka dërguar një ofertë prej 65 milionë euro për të nënshkruar me Osimhen në një transferim të përhershëm nga Napoli, por Partenopei e ka refuzuar propozimin.

👀 Il #Galatasaray offre 65 milioni al #Napoli per #Osimhen: la risposta di De Laurentiis https://t.co/w836ZtKIHA

— Corriere dello Sport (@CorSport) January 29, 2025

Në të njëjtën kohë, Osimhen ka një klauzolë prej 75 milionë euro të përfshirë në kontratën e tij dhe Napoli nuk është i gatshëm ta shesë nigerianin për një tarifë më të ulët.

Corriere dello Sport raporton se klauzola e Osimhen është e vlefshme nga janari dhe se Galatasaray është i vetmi klub që mund ta marrë sulmuesin nigerian për në tarifë më të ulët.

Klauzola për janarin, në fakt, raportohet se vlen 81 milionë euro pasi Galatasaray ka të drejtën e një kompensimi prej 6 milionë eurosh nëse Osimhen zhvendoset diku tjetër në gjysmë të sezonit.

Kjo është arsyeja pse klubi turk mund të nënshkruajë me Osimhen për 75 milionë euro këtë muaj. Çdo klub tjetër mund të nënshkruajë me sulmuesin për të njëjtën tarifë duke filluar nga vera e ardhshme.

Klauzola e Osimhen ishte fillimisht me vlerë 130 milionë euro, por ajo u ul verën e kaluar kur sulmuesi nënshkroi një marrëveshje të re me Napolin përpara se të bashkohej me Galatasaray në huazim. /Telegrafi/