“61.4% e fëmijëve në Kosovë deri në moshën 14 vjeçare, kanë pësuar nga ndëshkimi fizik apo dhuna psikologjike nga familjet e tyre.”
Duke marrë shkas nga shumë video të publikuara në mediat sociale, ku fëmijët ishin viktimë e prindërve, fillova të shfletojë shumë për dhunën dhe shfrytëzimin e fëmijëve, ku për një raste dhe reagova publikisht.
Mësova vërtetë shumë dhe në të njëjtën kohë kuptova se ky si problem është shumë më i thellë dhe se duhet adresuar në shumë mënyra.
Për fillim, shokuese për mua ishte statistika e Agjencisë së Statistikave të Kosovës se 61.4% e fëmijëve në Kosovë deri në moshën 14vjeçare, kanë pësuar nga ndëshkimi fizik apo dhuna psikologjike nga familjet e tyre. Kjo si e dhënë duhet të jetë një alarm për të gjithë ne si shoqëri.
Shkaqet e dhunës, llogariten të ndryshëm. Faktorët individual të dhunës lidhen kryesisht me faktorë gjenetikë, apo edhe me histori të ndryshme abuzimi të përjetuara. Në Kosovë kjo mund të lidhet edhe me faktin se si shoqëri kemi kaluar nëpër histori dhune kolektive, në luftë dhe para saj.
Faktorët janë edhe social sikurse: niveli i ulët arsimor, varfëria, papunësia, konfliktet familjare, mungesa e shkathtësive dhe programeve për edukimin e fëmijëve pa dhunë, normat e ndryshme kulturore që dominojnë në shoqëri, sidomos ato që promovojnë dhunën si mjet të përshtatshëm disiplinimi.
“Dhuna prodhon dhunë, ne po krijojmë rreth vicioz të dhunës, ku dhuna po bartet prej një gjenerate në gjeneratën tjetër.”
Dhuna shkakton probleme zhvillimore. Dhuna sistematike dëmton zhvillimin e fëmijëve si në aspektin mendor, aspektin psiko-emocional dhe social. Dhuna sjell edhe pasoja të tjera si depresioni, performanca e dobët në shkollë, mungesa e vetëbesimit, frikë dhe tërheqje në vete, dhe e kundërta tek disa fëmijë, sjellje agresive, të dhunshme dhe potencialisht në të ardhmen ata mund të shndërrohen në bashkëshortë apo prindër të dhunshëm.
Të fillojmë të punojmë për të mbyllur ciklin e dhunës ndaj fëmijëve! Të fillojmë të mendojmë për edukim të fëmijëve, pa dhunë!
Fëmijët duhet të rriten pa dhunë, fëmijët duhet të mbrohen nga dhuna. E ky si obligim na takon të gjithë ne pa përjashtim, si prind, si motër, vëlla, familjar, shok dhe shoqe, fqinj, profesionist, fundja na takon të gjithë ne si qytetarë.
“Prindërit kanë të drejtë për mbështetje dhe ndihmë gjatë rritjes së fëmijëve”
Ne mund të kontribuojmë të mbrojmë fëmijët nga dhuna në forma të ndryshme. Institucionet përgjegjëse mund të mbështesin prindërit e rinj apo prindërit potencial në mirërritjen e fëmijëve të tyre pa dhunë.
Prindërit duhet të kërkojnë mbështetje dhe këshilla për mirërritjen e fëmijëve.
Si një Mike e Fëmijëve, unë sot zgjodha të shkruaj. Shpresoj që sado pak të ndikoj në sensibilizimin për mbrojtjen e fëmijëve nga dhuna.
Çfarë do të bëni ju? Ju mund të bëni shumë! Fëmijët duhet të gëzojnë të drejtat e tyre dhe të mbrohen nga dhuna! Jemi ne ata të cilët mund të bëjmë ndryshimin! Të mbyllim ciklin e dhunës, t’i rrisim fëmijët tanë pa dhunë!
Rona Nishliu është pjesë e platformës avokuese Miqtë e Fëmijëve, platformë kjo e iniciuar dhe e koordinuar nga Koalicioni i OJQ-ve për Mbrojtjen e Fëmijëve – KOMF. Miqtë e Fëmijëve mbështetet nga projekti “Mbrojtja e të Drejtave të Fëmijëve në Kosovë”, implementuar nga KOMF, mbështetur nga BE dhe menaxhuar nga Zyra e Bashkimit Evropian në Kosovë.
“Miqtë e Fëmijëve” është platformë avokuese e përbërë nga personalitete me karrierë të suksesshme nga fusha e diplomacisë, artit, kulturës, sportit etj, e cila do të ndihmojë në rritjen e ndërgjegjësimit dhe promovimin e mbrojtjes së fëmijëve në të gjithë Kosovën, duke synuar rritjen e vetëdijesimit të institucioneve relevante dhe popullatës së gjerë, mbi rëndësinë e mbrojtjes së fëmijëve dhe investimin afatgjatë në fëmijë. (Ky shkrim publikohet me rastin e 1 Qershorit, Ditës Ndërkombëtare të Fëmijëve).
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre