Ministrja në detyrë e Punëve të Jashtme të Kosovës, Meliza Haradinaj-Stublla, ka thënë se Serbia vazhdon fushatën e saj destruktive në raport me Kosovën edhe përkundër zotimeve të bëra, si në Bruksel ashtu edhe në Uashington.
Sipas shefes së diplomacisë kosovare, pavarësisht zotimeve të bëra në Marrëveshjen për Normalizim Ekonomik, Serbia jo që nuk u përmbahet atyre, por haptas shkel zotimin 15 të kësaj marrëveshjeje.
“Rasti i fundit është ai i datës 9 Janar kur Ministri i Punëve të Jashtme të Serbisë Selakoviq, i cili në takim me ambasadorin e Katarit në Beograd, i ka kërkuar drejtpërdrejtë atij që ‘Katari të mos lobojë për Kosovën”, thuhet në reagimin e ministres së Jashtme.
“Fakti që termi ‘lobim’ nënkupton edhe lobimin për njohje, konsiderojmë që kjo kërkesë e ministrit të jashtëm serb është një shkelje e radhës e Marrëveshjes së Uashingtonit, në pikën 15 të saj e cila shprehimisht kërkon nga Beogradi që ta ndalë fushatën formale dhe joformale kundër shtetësisë së Kosovës”.
Reagimi i plotë i ministres Meliza Haradinaj-Stublla:
Ministria e Punëve të Jashtme dhe Diasporës i ka ngritur në vazhdimësi shkeljet e moszbatimit të marrëveshjeve të arritura me Serbinë si në dialogun e ndërmjetësuar nga Brukseli ashtu edhe për zotimet e Marrëveshjes së arritur në Uashington. Serbia jo vetëm e ka shkelur Marrëveshjen e Uashingtonit, por vepron shprehimisht kundër saj. Tani së fundi është bërë inaugurimi i gazsjellësit “Balkanstream” nga ana e presidentit të Serbisë Vuçiq në praninë e Ambasadorit Rus në Beograd, projekt i kritikuar vazhdimisht nga Sekretari Pompeo si “instrument i Kremlinit” për rritjen e influencës Ruse në Ballkan.
Gjithashtu, deklarata e fundit e Selakoviq është veçse përpjekja më e re e Serbisë për të lobuar kundër Kosovës në vendet e Lindjes së Mesme, duke rikujtuar falënderimet publike dhe mbështetjen e ish-ministrit Daçiq ndaj Palestinës për mosnjohjen ndaj Kosovës, fill pas nënshkrimit në Uashington.
Ministria e Punëve të Jashtme dhe Diasporës shpreh shqetësim edhe për më shumë se 33 marrëveshje teknike të arritura në Bruksel, të cilat vazhdojnë të shkelen në mënyrë flagrante nga Serbia. Kësisoj, Serbia nuk ka funksionalizuar pikat e kalimit kufitar me Kosovën, marrëveshjen për hapjen e urës mbi Ibër, ndërsa ka arrestuar dhe mban të burgosur pa asnjë arsye shtetasit e Kosovës Nezir Mehmetaj dhe Blerim Maqastena, duke shkelur secilën shkronjë të marrëveshjes për lirinë e lëvizjes, e më tej duke kontrabanduar produkte të pacertifikuara në veri të Kosovës, në shkelje të Marrëveshjes për Certifikimin e Produkteve Farmaceutike.
Gjuha e vazhdueshme kërcënuese, raciste dhe shoviniste e liderëve Serbë shpërfaqë fytyrën e vërtetë të këtij shteti në raport me Kosovën edhe ndaj bashkësisë ndërkombëtare. Me veprimet e njëpasnjëshme kundër Kosovës dhe Marrëveshjes së Uashingtonit, Serbia vërteton se është një partner jo i besueshëm dhe i dyshimtë.
Republika e Kosovës si shtet i pavarur është e interesuar që të arrijë marrëveshjen përfundimtare të njohjes reciproke me Serbinë duke respektuar integritetin territorial, kushtetutshmërinë, karakterin unitar dhe sovranitetin e Kosovës, në bashkëpunim të ngushtë me përpjekjet e pandërprera të SHBA-ve dhe BE-së në ndërmjetësimin dhe finalizimin e procesit të Dialogut.
Ndryshe, pavarësisht marrëveshjeve që janë arritur ndërmjet Kosovës dhe Serbisë për normalizim të marrëdhënieve ekonomike në Washington në praninë e presidentit në shkuarje Donald Trump dhe të deleguarit të tij Richard Grenell, Serbia po vazhdon kështu lobimin kundër njohjeve të Kosovës.
Traditën e ish-ministrit Ivica Daçiq është duke e vazhduar ministri i ri jashtëm serb, Nikola Selakoviq. Ai së fundmi ka kërkuar nga ambasadori i Katarit në Serbi, Shejh Mubarak Fahad al-Thani, të ndalojë lobimin ndërkombëtar në favor të Kosovës. /Telegrafi/
Lufta Prigozhin - Putin
Më shumëNga Rubrika
Detaje nga aksidenti në Çair, janë lënduar dy persona – njëri ka përfunduar në urgjencë
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Gjatë një operacioni policor në Prishtinë e Gjilan, gjenden dy bunkerë dhe armë zjarri
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Departamenti amerikan i Shtetit demanton dyshimet e ngritura ndaj Escobarit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre