Kryeprokurori i Shtetit, Aleksandër Lumezi, ka marrë pjesë në ceremoninë e ndarjes së çertifikatave për tridhjetenëntë (39) Ekspertët e Licencuar të Forenzikës Financiare, me ç’rast ka vlerësuar se të gjithë ekspertët e rinj, të cilët janë edhe zyrtarë të institucioneve ligjzbatuese do të kontribuojnë në mënyrë efikase në luftën kundër krimeve ekonomike dhe financiare, si dhe do të ndikojnë në forcimin e sundimit të ligjit në Republikën e Kosovës.
Gjatë fjalës së tij, Kryeprokurori i Shtetit ka potencuar se zyrtarët e çertifikuar si Ekspertë të Forenzikës Financiare do të kenë një rol shumë të rëndësishëm në hetimin dhe ndjekjen e veprave penale ku kërkohen ekspertizat financiare.
“Lufta kundër krimeve financiare është element shumë i rëndësishëm drejt rrugës për integrimin e shtetit tonë në Bashkimin Evropian dhe është një kusht thelbësor për të plotësuar kriteret dhe standardet evropiane. Kjo rrugë kërkon që të hetohen edhe ndëshkohen të gjithë ata zyrtarë që shkelin ligjin pavarësisht rolit dhe fuqisë së tyre në shoqëri. Prandaj, çertifikimi i këtyre zyrtarëve do të ketë një rol shumë të rëndësishëm në hetimin dhe ndjekjen me të suksesshme të veprave ku kërkohen ekspertizat financiare dhe shkathtësitë profesionale, për shkak të vet kompleksitetit të paraqitjes së këtyre formave të krimit”, ka deklaruar Kryeprokurori i Shtetit.
Kryeprokurori Lumezi ka thënë se iniciativa për të mbajtur trajnime dhe për t’i çertifikuar zyrtarët e institucioneve ligjzbatuese duhet kuptuar si kërkesë e kohës për t’i hetuar të gjitha keqpërdorimet financiare, me ç’rast ka falënderuar UNDP-në, Zyrën Zvicerane për Zhvillim dhe Bashkëpunim (SDC), Agjencinë Daneze për Zhvillim Ndërkombëtar (DANIDA), bartësit e projektit SAEK II dhe Shoqatën e Kontabilistëve të Çertifikuar dhe Auditorëve të Kosovës (ShKÇAK), për ngritjen e kapaciteteve të Prokurorëve të Shtetit në fushën e Forenzikës Financiare, përkatësisht në zhvillimin e kapaciteteve dhe ekspertizës në hetimet financiare si dhe në luftimin e korrupsionit dhe krimeve të tjera ekonomike.
Sipas Kryeprokurorit të Shtetit, luftën kundër korrupsionit, krimeve ekonomik dhe financiare nuk duhet parë dhe kuptuar thjeshtë si përgjegjësi të një institucioni, ku dhe ka kërkuar bashkëpunim ndërmjet të gjithë zyrtarëve të çertifikuar në rritjen e efikasitetit në luftimin e këtyre dukurive.
“Suksesi kundër këtyre dukurive varet nga bashkëpunimi i ndërsjellët në radhë të parë midis institucioneve që ju përfaqësoni. Andaj, është e domosdoshme që të forcohet koordinimi dhe bashkëpunimi ndër-institucional për të pasur sukses me të madh. Bashkëpunimi dhe hetimet e përbashkët financiare do të ndikojnë edhe në identifikimin e pasurisë së fituar në mënyrë të kundërligjshme si dhe në konfiskimin e kësaj pasurie”, ka thënë në fund Kryeprokurori i Shtetit.
Në mesin e zyrtarëve të çertifikuar si Ekspertët të Licencuar të Forenzikës Financiare, janë edhe prokurorët Naim Abazi, Fikrije Krasniqi – Fejzullahu dhe Habibe Salihu nga Prokuroria Speciale e Kosovës. Po ashtu, në këtë ceremoni janë certifikuar edhe zyrtarë nga Policia e Kosovës, Dogana e Kosovës, Administrata Tatimore e Kosovës, Agjencia Kundër Korrupsionit dhe Njësiti i Inteligjencës Financiare. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre