Liga Premier me tifozë në sezonin e ri, por me dy kushte që duhet plotësuar

Tifozëve që marrin pjesë në ndeshjet e Ligës Premier sezonin e ardhshëm mund t’u duhet një ‘Pasaportë Covid-i’ dhe t’u thuhet të mbajnë maska gjatë ndeshjes.

Qeveria britanike pritet të ‘inkurajojë’ përdorimin e certifikimit të Covid dhe maskave për turmat e mëdha.

Zhvillimi i udhëzimit të ri vjen pas frikës së ripërtërirë se një turmë e madhe mund të përshpejtojë përhapjen e coronavirusit pas ‘Ditës së Lirisë’ më 19 korrik kur Qeveria është vendosur të heqë të gjitha kufizimet ligjore në distancën shoqërore.

Për Ligën Premier, tani duket gjithnjë e më shumë e mundshme që Qeveria do të përpiqet të marrë një skemë certifikimi nga ndeshja e parë e sezonit të ri, e cila është Brentford kundër Arsenal të premten më 13 gusht.

Lexo po ashtu Boris Johnson zbulon datën se kur hiqen kufizimet në stadiumet e futbollit në Angli

“Ne do të inkurajojmë fuqimisht sportet që ta përdorin atë. Unë mendoj se sportet do të stimulohen mjaft fort për ta bërë atë”.

“Përmes udhëzimit, ne do të inkurajojmë përdorimin e maskave. Sigurisht, një organizator i ngjarjes mund ta vendosë atë si një kusht të hyrjes”, ka thënë një burim i Ëhitehall tha për The Telegraph.

'The system is falling apart.'

This Wembley steward tells LBC some fans are turning up with screenshots of other people's negative Covid tests to get into games.@TomSwarbrick1 https://t.co/jTUPsZAz9Z

— LBC (@LBC) July 7, 2021

Certifikimi Covid përdor aplikacionin NHS. Sidoqoftë, ata që morën pjesë në ngjarjet e fundit kanë luftuar për të hyrë në aplikacion kur rrjeti telefonik mbingarkohet në zona të mbushura me njerëz.

Mbështetësit që morën pjesë në ndeshjet e Euro 2020 në Wembley dhe tenis në Wimbledon gjithashtu theksuan të metat në sistem, i cili përfshin një kontroll të përkohshëm të aplikacionit ose një rezultat të provës nga një administrator.

Liga Premier ka parë se si mund të integrojë skanimin e QR kodit të aplikacionit NHS me kontrollimin e biletave, por është e paqartë nëse është gjetur një zgjidhje e përshtatshme ose mund të zbatohet me kohë.

Sezonin e kaluar, mbështetësve në Ligën Premier dhe EFL nuk u kërkohej të mbanin maska ​​ndërsa ishin ulur në vendet e tyre, por e bënë këtë kur hynin dhe dilnin nga stadiumi.

Në finalen e Euro 2020 në Wembley të dielën rregulla të ngjashme ishin në fuqi, por pothuajse u injoruan nga të gjithë. /Telegrafi/