Klopp: Nuk ka shanse që Liverpooli të nënshkruajë me Messin

Jurgen Klopp pranon se nuk ka shanse që Liverpooli të nënshkruajë këtë verë me yllin e Barcelonës, Lionel Messi.

Ylli argjentinas tronditi botën e futbollit në fillim të kësaj jave duke komunikuar dëshirën e tij për të ndryshuar klub, duke çuar në një mori histori transferimesh në të gjithë Evropën.

Manchester City ka qenë i lidhur fort, ashtu si Interi, Paris Saint-Germain dhe Juventusi me Messin, i cili në moshën 33 vjeçare është i gatshëm për të sfiduar veten jashtë La Ligas për herë të parë në karrierën e tij.

Lexo po ashtu Tri raste kur Messi kishte caktuar largimin, por nuk ndodhi: A do të ketë një rast të katërt?

Interesimi për histori, natyrisht, është i lartë në të gjithë botën, por Klopp thotë se një transferim në Anfield mund të përjashtohet.

“Interes? Po, kush nuk dëshiron ta ketë Messin në ekipin e tyre?”, ka thënë fillimisht Klopp në një konferencë për shtyp të premten.

Lexo po ashtu Kompany: Si tifoz, dua që Messi t’i bashkohet Cityt dhe ta fitojnë Ligën e Kampionëve

“Por nuk ka shans. Numrat nuk janë absolutisht për ne, kështu që ne as nuk duhet të fillojmë të mendojmë për të! Është e qartë, nuk ka asnjë shans”.

“Por … lojtar i mirë, të jem i sinqertë!”, përfundoi trajneri gjerman. /Telegrafi/