Nëse nga orizi dëshironi të bëni shtojcë të mirë në të cilën “kokrrat mund të numërohen”, duhet blerë orizin me kokrra të gjata.
Orizi me kokrra të rrumbullakëta pas zierjes bëhet i qullët dhe i përshtatshëm për qëllime të tjera, për shembull, për sutliash.
Para zierjes orizin duhet larë mirë në 3-4 ujëra, dhe është mirë që ta lini të qëndrojë ashtu 20 – 30 minuta që të zbutet në ujë të ftohtë, transmeton Telegrafi.
Për oriz të zier mirë duhet matur sasinë e përshtatshme të ujit, përpjesëtimi patjetër duhet të jetë 1:2,5. Pra, në një filxhan oriz nevojiten 2,5 filxhanë ujë!
Sasisë së përshtatshme të ujit qitni kripë dhe filloni ta zieni, pastaj shtoni orizin e kulluar. Prisni që sërish të vlojë dhe pastaj zvogëloni zjarrin aq sa orizi të vlojë ngadalë.
Mbajeni të mbuluar me kapak dhe pa e përzier zieni 15 – 20 minuta, përkatësisht derisa uji nga orizi të avullojë.
Orizi nuk do të ngjitet për enë nëse nuk e përzieni, mirëpo nëse e hiqni kapakun dhe e përzieni uji do të avullojë para se orizi të zihet dhe pastaj do të bëhet i fortë apo, nëse e lini në zjarr derisa të zbutet, do të shkrumbohet.
Dhe, e gjitha është kjo, orizi është i zier, nuk është shkrumbuar, nuk është ngjitur për enë, nuk është i qullët…
Kjo është procedura themelore. Edhe disa këshilla të cilat mund t’ju ndihmojnë gjatë zierjes së orizit:
Mund të shtoni pak kërri, në mënyrë që orizi të marrë ngjyrë të verdh.
Nëse i qitni pak gjalpë orizi do të jetë më i lëngshëm.
Orizi edhe më pak do të ngjitet për enë nëse pas zierjes e shpëlajmë me ujë të vakët. Për shije të mirë mundeni shkurt “ta përzieni” në gjalpin e shkrirë, me pak shafran. Shafrani orizit i jep ngjyrë të verdhë në të artë dhe shije fantastike.
Kinezët orizin e ziejnë duke e qitur më parë në ujë të vluar, duke e fërguar pak, duke i qitur kripë dhe duke i qitur sasi të përshtatshme uji. Kur vlon, i zvogëlojnë zjarrin dhe e ziejnë derisa orizi të thithë gjithë lëngun. Pastaj e heqin nga zjarri dhe e mbajnë një kohë të mbuluar “që të pushojë”. Orizi me zierje e trefishon vëllimin e vet. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak