Rrëfimi për ish-luftëtarin e Ushtrisë Çlirimtare të Kosovës në kohën e pasluftës, kur ai përballet me jetën e vështirë, vitin që vjen do të shpaloset në ekranet e mëdha të dy festivaleve ndërkombëtare.
“Heroi” nga Kosova, me regji të Luan Kryeziut, do të futet në konkurrencë zyrtare të festivalit “Ichill Manila International Film Festival” në Filipine, që mbahet në fillim të muajit janar dhe në atë të festivalit australian “Colortape Internatonal Film Festival”, që mbahet në muajin qershor.
Sipas ueb-faqes zyrtare, “Ichill Manila…”, që mbahet në kryeqytetin filipinez, mëton të vetëdijesojë audiencën për mënyrat e reja të realizimit të filmave dhe sivjet organizon edicionin e parë, në kuadër të të cilit do të ndahen gjashtë çmime. E sipas përshkrimit në ueb faqe, “Colortape…”, ka për qëllim të promovojë diversitetin kulturor, duke mbledhur filma nga e gjithë bota. Arben Bajraktaraj i njohur për rolet e tij edhe në filmin “Taken 1” dhe në “Harry Potter” , në “Heroi” ka rolin kryesor.
Në gusht të këtij viti, “Heroi” i bashkëfinancuar nga Qendra Kinematografike e Kosovës pati premierën ndërkombëtare në edicionin e 38-të të festivalit “Montreal World Film Festival”. Në këtë festival “Heroi” nuk ka qenë në garë për çmimet e festivalit, por është shfaqur në kuadër të kategorisë “Focus on World Cinema”.
Regjisori dhe skenaristi Luan Kryeziu ka thënë se është i kënaqur që “Heroi” do të vazhdojë udhëtimin nëpër festivale në botë. Ai ka thënë se ka ftesa edhe për festivale tjera, por nuk ka dashur t’i bëjë publike.
“Sapo morëm lajmin edhe nga dy festivale ndërkombëtare, në Filipine dhe në Australi, në të cilat ‘Heroi’ do të jetë në konkurrencë ndërkombëtare të filmit të gjatë”, ka thënë Kryeziu. Ky lajm e ka bërë regjisorin të ndihet krenar.
“Jam shumë i gëzuar dhe përgëzoj të gjithë artdashësit shqiptarë për këtë vlerë kulturore, e cila po duket se do të lërë gjurmë në kinematografinë botërore. Jam krenar se me një temë lokale po arrijmë të tërheqim vëmendjen e festivaleve me renome botërore”, ka thënë ai.
Sipas Kryeziut, është e rëndësishme që “Heroi” po udhëton, ani pse ekipi nuk ka përkrahje të mjaftueshme.
“E veçanta e këtij filmi është se ai përkundër pamundësive financiare për të aplikuar në festivale, është pranuar në disa nga festivalet më prestigjioze në botë”, ka thënë ai.
Kryeziu ka thënë se rrëfimi i “Heroit” po e njofton botën për moralin fisnik, kulturën e traditën shqiptare.
“Filmi është ambasadori më i mirë në botë. Ne jemi në situatë ku shteti ka nevojë për prezantim të dinjitetit dhe kulturës, afirmim të shtetit dhe lidhje bashkëpunimi ekonomike e kulturore. Prandaj konsideroj që investimi në vlera të cilat dëshmojnë se dinë të prezantojnë dinjitetshëm dhe lakmueshëm vendin dhe kulturën është i domosdoshëm”, ka thënë ai.
“Heroi” ka drejtor fotografie Roger Simonsz, i njohur për filma të njohur si: “The Devil Wears Prada”, “Rushhaur 3”, “Sex and the City” etj. Në “Heroi” luajnë edhe Çun Lajçi, Salahudin Bilali, Enver Petrovci, Xhemi Aga etj. Në Kinemanë ABC ishte dhënë premierë më 18 shkurt. Për më shumë se dy javë kishte grumbulluar veç 1.500 shikues. /Koha/
Promo
Reklamo këtuLufta Prigozhin - Putin
Më shumëJeta dhe vepra e patriotit Iljaz Agushi: E tradhtoi Bujar Hoxha, e vrau Ymer Pula
Fuqia e tulipanit
Historia e shqiptares Laskarina Bubulina, Heroinës Kombëtare të Greqisë!
Turqia përmbyt qytetin 12 mijë vjet të vjetër
GJUHA SHQYPE
Kultura dhe besimi hebraik në Poloni, 75 vjet pas Aushvicit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit