Nga ora 17:00 e mbrëmjes, deri në orën 06:00 të mëngjesit qytetarëve po u ndalohet qarkullimi dhe lëvizja me automjete. Pothuajse që dy javë, me vendim të Qeverisë së Kosovës në këtë orar po mbahen “orë policore”, me qëllim të parandalimit të përhapjes së pandemisë COVID-19. Megjithatë, sipas ekspertëve shëndetësorë kjo nuk po mjafton dhe sipas tyre duhet të aplikohen masa më rigoroze. Por, me këtë nuk po pajtohen edhe ekspertë të sigurisë.
Mikrobiologu Lul Raka thotë për KP se duke parë fluksin e madh të qytetarëve gjatë kohës kur lejohet lëvizja e tyre, janë të nevojshme që të shtohen masat për parandalimin e përhapjes së Coronavirusit.
“Duke marrë parasysh mentalitetin dhe vetëdijen, unë jam për masa më rigoroze. Mos të ketë dalje të panevojshme të njerëzve, shëtitje nuk ka nevojë të d alim sot. Nuk ka nevojë për grumbullim njerëzish, në qoftë se keni me dalë, do të dilni për të blerë harxh, bukë, barna. Dhe këtë mund ta bëjë familjari, një person, nuk del krejt shtëpia. Sepse nëse del krejt shtëpia, kur të dalin normalisht që do të takojnë familjarë, në vend shërbim, takojnë njerëz të tjerë, dhe afrohen. Momentin që afrohen aty dikush mund të ketë infeksion dhe nuk ka shenja apo simptome hiç, as ai nuk e di që është i sëmurë. Dhe nëse afrohet më pak se dy metra gjatë të folurit ai e bart virusin”, tha Raka.
Me këtë po pajtohet edhe infektologu Valbon Krasniqi, megjithatë sipas tij është shumë e nevojshme që qytetarët të ndërgjegjësohen dhe të kenë përgjegjësi në këtë situatë pandemike.
“Unë mendoj që qytetarët duhet të vetëdijesohen, duhet të dinë dhe duhet të ndjejnë peshën e përgjegjësisë që e kanë në këtë kohë në të cilën jemi për momentin. Duhet ta përsëris që qytetarët jo vetëm që kanë të drejtë në marrjen e shërbimeve shëndetësore, por edhe kanë obligim në ruajtjen e shëndetit të tyre dhe në kujdesin për shëndetin ndaj të tjerëve. Para se të ketë masa të rrepta që normalisht se ato e bëjnë të vetën, është ndërgjegjësimi i qytetarëve dhe sjellja me përgjegjësinë e tyre ajo që do të ndihmojë shumë më shumë”, tha Krasniqi.
Eksperti i sigurisë, Bedri Elezi thotë se nuk ka nevojë për masa më rigoroze në parandalimin e përhapjes së këtij virusi.
“Nuk mendojmë se është e nevojshme që të ketë masa të shtuara sa i përket kësaj, Policisë së Kosovës. Për shkak se mendojmë që qytetarët e Kosovës janë ndërgjegjshëm, dhe nuk kanë dalë raste që ka pasur ne vojë forca të mëdha të intervenohet. Mendojmë se ideja më e qëlluar është të punojmë në terren në grumbullimin e informacioneve dhe veprimet sipas informacioneve në vendet ku eventualisht kemi të infektuar. Nuk mendoj që numri i madh i forcave të policisë e parandalon përhapjen e virusit. Zyrtarët policorë të cilët merren me rendin janë të mjaftueshëm… Ne duhet të shkojmë duke zvogëluar vendet ku janë në karantinë dhe të marrim informacione se ku janë vendet me më së shumti të infektuar”, tha Elezi.
Ndryshe, vendimi për kufizimin e lëvizjes së qytetarëve do të mbetet në fuqi deri më datë 12 prill. Qeveria përmes një komunikate sot ka njoftuar se vendimi për ndërprerjen e procesit mësimor do të vazhdojë të jetë fuqi, dhe ai që ndalon hyrje- daljet e qytetarëve në komunën e Klinës dhe Malishevës, si dhe vendimi për shpalljen e gjendjes emergjente për shëndetin publik.
Në Kosovë deri më tash janë konfirmuar 145 raste me COVID-19, 23 prej tyre janë shëruar dhe një me përfundim fatal.
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre