Botë Nga Bota

A e krijoi njeriu coronavirusin në laborator?!

Para 5 vitesh

Tani prej ditësh, lajmet janë përhapur në lidhje me njohuritë e shërbimeve sekrete për coronavirusin. A është kjo një tjetër teori konspirative? Apo çfarë thonë vërtet dokumentet e shërbimit sekret?

Një raport i Aleancës së Shërbimit Sekret të pesë vendeve të mëdha (SHBA, Britani e Madhe, Kanada, Australi dhe Zelanda e Re, e quajtur “Five Eyes”) shkruan për një virus të panjohur të lakuriqit nga Kina, mbi të cilin u krye hulumtimi në Wuhan, Kinë, transmeton Telegrafi.

Raporti i shërbimit sekret iu dorëzua gazetës Australiane The Daily Telegraph, e cila ka parë një rritje të mprehtë të artikujve në lidhje me “virusin e krijuar nga një njeri në një laborator në Wuhan”. Kina ka fshehur informacione. Akuza të tilla jo vetëm që ishin bërë nga presidenti i SHBA-së Donald Trump, por edhe nga disa tabloide gjermane.

A është ky me të vërtetë një skandal gjigant?

Në Shtetet e Bashkuara të Amerikës ka zëra nga më të ndryshmet dhe në të njëjtën kohë, shërbimet sekrete amerikane janë ende duke hetuar nëse virusi që po përhapet te njerëzit, erdhi nga kafsha apo doli nga një laborator në Wuhan në një aksident.

Edhe pasi artikulli i shërbimeve sekrete i agjencisë ‘Five Eyes’ që u botua në gazetën australiane The Telegraph Australia të së shtunës, nuk ka asnjë provë ende që pandemia e coronavirusit ishte shkaktuar nga njeriu.

Padyshim, aspekti më tërheqës i raportit të Shërbimit Sekret Australian, i cili është lënë pas dore deri më tani, është informacioni i tij për hulumtimin e coronavirusit.

Për gati 15 vjet, shkruan Saturday Telegrafi, një ekip kinez i virologëve të udhëhequr nga doktor Shi Zhengli, drejtor i Qendrës për sëmundje infektive të Institutit të Virologjisë në Wuhan, ka studiuar coronaviruin në lakuriqët.

Ekzistojnë mbi 5,000 lloje të viruseve të tilla, nga të cilat Dr. Shi ka hulumtuar të paktën 50. Por ai nuk ishte asnjë projekt sekret kinez.

Qëllimi i studimit ishte izolimi i viruseve që ndodhin tek lakuriqët dhe të shihet nëse ato mund të përhapen te njerëzit. Në nëntor të vitit 2015, katër vjet para shpërthimit të pandemisë aktuale, një studim i doktor Shi me Universitetin e Karolinës së Veriut zbuloi se viruset në formë SARS mund të përhapen nga lakuriqët te njerëzit dhe se nuk kishte kurë.

Në vitin 2019, studimi i tyre i radhës arriti në këtë përfundim: “Ka shumë të ngjarë që infeksionet e ardhshme me coronaviruse të tilla si SARS ose MERS të vijnë nga lakuriqët dhe se ka shumë të ngjarë të ndodhin në Kinë”.

Duke vepruar kështu, shkencëtarët përmendën në mënyrë të qartë rrezikun e lartë të hulumtimit të tyre në rast të një aksidenti dhe viruseve që shpëtojnë nga laboratori. Një nga rreziqet është standardi i sigurisë në laboratorë. Ka pasur raporte nga diplomatët amerikanë në Kinë në dhjetor të vitit 2019 për sigurinë e dobët në këto laboratorë në Wuhan.

Qeveria e Australisë thotë se coronavirusi erdhi nga një treg në Wuhan dhe janë të sigurt 95%. Por mbetet një rrezik i vogël, 5 për qind që virusi të mund ta linte laboratorin në një aksident, pra pa qëllimin njerëzor.

Me atë përfundim, qeveria merr tashmë një tjetër pozicion nga Shtetet e Bashkuara dhe nga qeveria Trump. Sekretari amerikan i Shtetit (dhe ish shefi i CIA-s) Mike Pompeo të dielën foli për “prova të jashtëzakonshme që virusi buron nga një laborator në Wuhan”.

Por Australia e kritikon Kinën në fshehjen e informacionit. Shërbimi sekret ASIS i Australisë përshkruan në një dokument të qartë 15-faqesh se si Kina mbajti informacionin dhe shkatërroi mostrat e nevojshme në lidhje me shpërthimin e epidemisë së coronavirusit në dhjetor.

Gjithashtu në janar, një numër i mjekëve në Wuhan, të cilët folën për një shpërthim të një infeksioni të ri viral, u arrestuan për “përhapjen e thashethemeve”. Për më tepër, qeveria kineze ka hequr termat “variacion SARS”, “tregu në Wuhan” dhe “pneumoni të panjohura në Wuhan” nga motorët e kërkimit në internet, indikacione të qarta të censurës me të cilën regjimi komunist u përpoq të kontrollonte të gjitha informacionet në lidhje me një shpërthim pandemik. /Telegrafi/