Blero flet rreth bashkëpunimit të ri me Alex, imazhe ekskluzive nga xhirimet e klipit në Turqi (Foto)

Këngëtari Blero ka pak ditë që ka publikuar bashkëpunimin e tij më të fundit me Kolë Oroshin, këngën “Jar Na Na” e cila është pritur mirë nga publiku.

Por pas vetëm dy javësh, ai nuk ndalet përderisa ka në plan të sjell një tjetër bashkëpunim.

Lexo po ashtu Premierë: “Jar Na Na” një hit veror, Blero flet rreth bashkëpunimit të ri me Kolë Oroshin dhe angazhimet për verën 2017 (Video)

Kësaj radhe, Blero ka përgatitur një këngë të re me Alex, të cilën do ta publikojë shumë shpejt, ndërsa detajet e këtij projekti i shpalos në një prononcim ekskluziv për Telegrafin:

“Kënga e radhës është në bashkëpunim me Alexin, një projekt i cili është bashkëpunim me “Roton Music” nga Rumania. Ky projekt do të jetë në dy gjuhë: shqip dhe anglisht. Në shqip është Alex, ndërsa në anglisht një reper nga Londra të cilin do ta lëmë befasi”, tha Blero për Telegrafin.

Në vazhdimin e bisedës, këngëtari tregoi se kjo këngë do të jetë më ndryshe se të tjerat, për arsyen se nuk do të jetë e përfshirë me shumë elemente.

“Është një këngë shumë më ndryshe se të tjerat, sepse është vetëm me kitarë dhe një melodi shumë interesante.”

Lexo po ashtu Të gjitha lajmet nga Estrada Shqiptare

Xhirimet e klipit janë kryer në Turqi, ndërsa për Telegrafin Blero zbulon se pse është vonuar paksa publikimi i tij.

“Klipi do të publikohet së shpejti, arsyeja e vonesës është çështje teknike, sepse kompania rumune ka kërkesa të larta për klip. Xhirimet i kemi kryer në një nga resortet e Turqisë bashkë me produksionin XL Films. Ndërsa presim të dalë në fillim të korrikut”, përfundoi këngëtari për Telegrafin.

Kënga e re nga Blero dhe Alex, ende e pa titull pritet të jetë një tjetër sukses për dyshen, të cilët kanë punuar shumë deri në finalizimin e tij.

Telegrafi ka siguruar disa fotografi ekskluzive nga xhirimet e klipit të kryera në Turqi, ndërsa ju prezantojmë me disa nga prapaskenat e xhirimeve.

Deti, resorti joshës dhe eleganca e femrës nuk do të mungojnë as në klipin e radhës nga Blero dhe Alex. /Telegrafi/