Arsenali dhe Tottenhami mund të mos kualifikohen në Ligën e Kampionëve edhe nëse përfundojnë në vendin e katërt

Arsenali është në rrugën e duhur për të përfunduar në top katërshe, por, edhe nëse ata, ose rivalët e Tottenham Hotspur, e arrijnë atë, ata mund të humbasin kualifikimin për në Ligën e Kampionëve sezonin e ardhshëm.

Gara për katër më të mirat, ndonjëherë është ndjerë si një garë që asnjë nga pretendentët nuk donte ta fitonte, pasi secili lëshonte pikë në momente vendimtare.

Forma e mirë së fundmi e Arsenalit i ka katapultuar ata në pozitën drejtuese, pasi ata tani kryesojnë ndaj vendit të pestë të Manchester United me një pikë epërsi dhe tri ndeshje më pak.

Spurs janë vetëm tre pikë prapa fqinjëve të tyre londinez dhe, megjithëse kanë luajtur një lojë më shumë se skuadra e Mikel Artetës, ende duhet të përballen me klubet e tyre rivale lokale në ndeshje derbi.

Megjithatë, të dyja skuadrat mund të mbesin jashtë garës elitare evropiane, pasi kualifikimi i tyre nuk është aq i thjeshtë sa duket, pasi në garë janë edhe rivalët e Unitedit dhe West Hamit.

Nëse Unitedi dhe West Hami fitojnë Ligën e Kampionëve ose Ligën e Evropës, atëherë nuk do të kishte rëndësi se kush do të përfundonte në vendin e katërt, pasi ata nuk do të kualifikoheshin në Ligën e Kampionëve sezonin pasues.

Anglia merr katër vende për garat e çdo viti dhe kjo mund të rritet deri në pesë nëse dikush jashtë katërshes së parë fiton njërën nga dy garat më të mira të UEFA-s.

Megjithatë, nëse dy skuadra jashtë katërshes së parë fitojnë garat, atëherë kjo nuk mund të rritet në gjashtë ekipe, dhe kjo do të thotë se dikush duhet të humbasë, që do të ishte vendi i katërt.

Sigurisht, për momentin shanset që kjo të ndodhë duken shumë të pakta, por si Arsenali ashtu edhe Spurs do të duhet të jenë të kujdesshëm, veçanërisht skuadra e Antonio Contes, duke pasur parasysh se ata humbën në vitin 2012 për arsye të ngjashme.

Në atë kohë nuk kishte asnjë dispozitë për kualifikimin e një ekipi të pestë, kështu që kur ata përfunduan në vendin e katërt mbi Chelsea, por Blutë mundën Bayern Munich për t’u bërë kampionë evropianë dhe Spurs humbën vendin kualifikues. /Telegrafi/