Pas Aeroportit Ndërkombëtar të Prishtinës, edhe privatizimi i Rrjetit të Distribucionit dhe Furnizimit në KEK, sipas të gjitha gjasave, do të bjerë në duart e kompanive turke. Tri nga katër kompani që janë parakualifikuar, janë të regjistruara në Turqi. Bëhet fjalë për kompanitë “Limak”, “Çalik” dhe “Taib”.
E vetmja që nuk është nga Turqia, e që është në garë për KEK-un, është kompania “Elsewedy”, e regjistruar në Egjipt.
Ndërkaq, kompania “Limak”, e cila së bashku me një kompani tjetër e mori me koncesion Aeroportin, është gjithashtu në garë edhe për KEK-un.
Me këtë shtet, Qeveria del të jetë shumë e kujdesshme edhe sa u përket memorandumeve në fusha të caktuara, që shumë herë u paraprijnë ardhjes së kompanive turke në Kosovë. Skenar i tillë, pati ndodhur me Aeroportin, kur para se ta merrnin turqit me francezet, Kosova nënshkroi memorandum me këtë shtet në fushën e aviacionit civil. Gjithashtu, memorandum u nënshkrua edhe në fushën e telekomunikacionit, megjithëse nga kompanitë e parakualifikuara për PTK-në, asnjëra nuk është nga Turqia.
Në Ministrinë e Zhvillimit Ekonomik, mohojnë se po favorizohen kompanitë turke. Këshilltari Gëzim Baxhaku thotë se për privatizimin e Rrjetit dhe Furnizimit në KEK, kanë aplikuar gjithsej katër kompani dhe të gjitha janë kualifikuar. Sipas tij, që të gjitha i kanë përmbushur kriteret e parapara për parakualifikim. “Pra, nuk bëhet fjalë për kurrfarë favorizimesh të kompanive nga Turqia”, ka thënë Baxhaku, shkruan Express.
Edhe në një komunikatë për media të kësaj ministrie, thuhet se njësia për implementimin e Projektit, ka pranuar aplikacionet e katër kompanive dhe që të gjitha i ka parakualifikuar. Shqyrtimi i aplikacioneve është bërë nga Komisioni Vlerësues, me përfaqësues nga secila ministri, anëtare e Komitetit Qeveritar të Privatizimit.
“Pas shqyrtimit të detajuar të të gjitha dokumenteve të përfshira në aplikacionet e dorëzuara, Komisioni i Vlerësimit për parakualifikim ka vlerësuar dhe rekomanduar që të katër kompanitë i përmbushin kriteret e përcaktuara në dokumentin e parakualifikimit”, thuhet në komunikatë.
Megjithatë, veç bërjes publike të kompanive, zyrtarët e kësaj ministrie nuk kanë sqaruar se a janë marrë vesh me kompanitë rreth tarifave të energjisë elektrike, për të cilat thuhet se do të vendosë Zyra e Rregullatorit të Energjisë.
E vetmja gjë që dihet deri tash është se borxhet prej 350 milionë eurove që konsumatorët i kanë ndaj KEK-ut, nuk do të falen. Edhe pse as për këtë ende nuk është vendosur se si do t’i menaxhojnë ato.
Me Kornizën Afatmesme të Shpenzimeve 2011-2013, Qeveria nuk ka lënë asnjë opsion për Korporatën Energjetike të Kosovës, pos privatizimit. Në emër të këtij procesi, KEK`ut nuk do t’i ndahet asnjë cent për vitin 2012. “Nga viti 2012, nuk janë planifikuar shpenzime të tjera për këtë qëllim, sepse pritjet janë që gjatë kësaj periudhe do krijohen kapacitete të reja përmes investimeve të sektorit privat”, thuhet në KASH. /Telegrafi/
Promo
Reklamo këtuLufta Prigozhin - Putin
Më shumëMbyllet konferenca më e madhe ndërkombëtare për ndryshimet klimatike dhe mjedisin në Prishtinë
Inflacioni ndikon në rritjen e kostos së ndërtimit në Kosovë
AMECC Rezonanca shpall fillimin e aplikimit në afatin e dytë për studentët e rinj për vitin akademik 2024/2025
Apliko për punë në pak sekonda – Si Telegrafi Jobs po e transformon procesin e rekrutimit
Klimat dhe termopompat Midea sërish me subvencion
Hapet thirrja publike për mbështetjen e familjeve për investim në ngrohje efiçiente
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Secila më e mirë se tjetra
Më të lexuarat
Amarildo Bakaj merr një fitore të madhe, detyron kundërshtarin që ta dorëzojë meçin
Neymari u dërgon brazilianëve të Real Madridit një ‘mesazh të tmerrshëm’ për Mbappen
Georgiev: Të pranojmë të vërtetën, Serbia e njohu Kosovën
Lamine Yamal zbulon se cila është diferenca kryesore mes Hansi Flickut dhe Xavit
Lotina Haziri publikon fotografi nga dasma e motrës së saj, ku dukej tejet elegante në krahët e Mozzikut
Disa prindërve u kërkohen verifikime shtesë për vazhdimin e shtesave për fëmijë, MF-ja pa sqarime