Përfundimisht Qeveria e Kosovës është e vendosur që brenda këtij muaji të fillojë ta aplikojë një taksë doganore prej 10 për qind për mallrat që importohen nga Serbia dhe Bosnjë e Hercegovina. Aplikimi i kësaj takse do ta rritë çmimin e produkteve ushqimore në tregun vendor, por nuk do të zgjidhë problemin e prodhueseve vendorë, pasi që ata edhe më tutje nuk do të kenë mundësi që prodhimet e tyre t’i eksportojnë në Serbi dhe Bosnjë e Hercegovinë.
Ministrja e Tregtisë dhe Industrisë, Mimoza Kusari-Lila, tha se për Qeverinë e Kosovës është më e rëndësishme që në treg të ketë sasi të mjaftueshme të mallrave që vijnë nga vendet tjera, të cilat do t’i zëvendësojnë pa kurrfarë problemi mallrat serbe dhe boshnjake.
Ajo thotë se nga taksa doganore prej 10 për qind do të dëmtohen vetëm ata konsumatorë që me ço kusht dëshirojnë t’i aplikojnë mallrat nga Serbia dhe Bosnja.
“Vetëm ata konsumatorë që me çdo kusht dëshirojnë të konsumojnë mallra serbe dhe boshnjake do të ballafaqohen me ngritje të çmimeve për 10 për qind, pasi që do të ketë mallra të zëvendësueshme nga shtetet tjera dhe mund të mos konsumohen produkte nga Serbia dhe Bosnja”, ka thënë Kusari-Lila.
Nga ana tjetër, përfaqësues të bizneseve në vend aplikimin e taksës doganore nuk e shohin si zgjidhje të mirë për bizneset, por vetëm për institucionet që synojnë të mbledhin sa më shumë të hyra në kufij. Agim Shahini, kryetar i Aleancës Kosovare të Bizneseve (AKB) është pesimist se Qeveria e Kosovës do të mund ta aplikojë ketë taksë doganore prej 10 për qind.
Ai thotë se një iniciativë e tillë është marrë edhe disa herë më parë, por faktori ndërkombëtar ka bllokuar implementimin e një vendimi të tillë. Shahini thotë se edhe sikur të aplikohet taksa doganore prej 10 për qind, ajo në masë të madhe i ndihmon Qeverisë që të krijojë të hyra më të mëdha.
Por, kryetari i Odës Ekonomike të Kosovës (OEK) Safet Gërxhaliu, thotë se aplikimi i taksës doganore prej 10 për qind është vetëm fillimi i masave kundër prodhimeve serbe në tregun kosovar. Gërxhaliu vlerëson lart vendimin e Qeverisë për marrjen e këtij vendimi, ndërkaq akuzon persona të caktuar, që sipas tij, janë misionarë të ekonomisë së Serbisë në Kosovë. “Persona të caktuar janë duke spekuluar se vendosja e doganës do të rritë çmimin e prodhimeve në treg, por diçka e tillë nuk do të ndodhë. Një grup e njerëzve janë duke lobuar që të mos ndodhë diçka e tillë, sepse atyre do t’u ndërpriten vijat e financimit”, tha ai.
Sipas Gërxhaliut, prodhimet serbe në Kosovë mund të zëvendësohen brenda një kohe shumë të shkurtër pa u vërejtur fare. Edhe ekspertë të ekonomisë në vend thonë se aplikimi i masave të reprocitetit ka qene alternativa më ë mira për të mbrojtur prodhimet vendore në vend.
Taksat për prodhimet serbe
Ministrja e Tregtisë dhe Industrisë Mimoza Kusari-Lila thotë se nga taksa doganore prej 10 për qind do të dëmtohen vetëm ata konsumatorë që me ço kusht dëshirojnë t’i aplikojnë mallrat nga Serbia dhe Bosnja. “Vetëm ata konsumatorë që me çdo kusht dëshirojnë të konsumojnë mallra serbe dhe boshnjake do të ballafaqohen me ngritje të çmimeve për 10 për qind, pasi që do të ketë mallra të zëvendësueshme nga shtetet tjera dhe mund të mos konsumohen produkte nga Serbia dhe Bosnja”, ka thënë ajo. /Zëri/Telegrafi/
Promo
Reklamo këtuLufta Prigozhin - Putin
Më shumëMbyllet konferenca më e madhe ndërkombëtare për ndryshimet klimatike dhe mjedisin në Prishtinë
AMECC Rezonanca shpall fillimin e aplikimit në afatin e dytë për studentët e rinj për vitin akademik 2024/2025
Apliko për punë në pak sekonda – Si Telegrafi Jobs po e transformon procesin e rekrutimit
Hapet thirrja publike për mbështetjen e familjeve për investim në ngrohje efiçiente
Klimat dhe termopompat Midea sërish me subvencion
Çmimet e produkteve të ndryshme ushqimorë vazhdojnë të jenë të lart
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Secila më e mirë se tjetra
Më të lexuarat
Amarildo Bakaj merr një fitore të madhe, detyron kundërshtarin që ta dorëzojë meçin
Neymari u dërgon brazilianëve të Real Madridit një ‘mesazh të tmerrshëm’ për Mbappen
Georgiev: Të pranojmë të vërtetën, Serbia e njohu Kosovën
Lamine Yamal zbulon se cila është diferenca kryesore mes Hansi Flickut dhe Xavit
Lotina Haziri publikon fotografi nga dasma e motrës së saj, ku dukej tejet elegante në krahët e Mozzikut
Disa prindërve u kërkohen verifikime shtesë për vazhdimin e shtesave për fëmijë, MF-ja pa sqarime