Ministri i Arsimit i Kosovës, Ramë Buja, në një intervistë për “Kohën Ditore”, ka thënë se një nga sfidat kryesore, edhe 13 vjet pas luftës dhe 5 vjet nga shpallja e Pavarësisë së vendit është integrimi i komuniteteve pakicë në sistemin arsimor të Kosovës. Në fokus e ka vënë universitetin e jashtëligjshëm në gjuhës serbe në Mitrovicë, i cili, sipas tij, vazhdon të quhet Universiteti i Prishtinës.
“Ne po insistojmë që ai universitet të jetë pjesë integrale e UP-së me çfarë do ta ndihmonim me të gjitha kapacitetet. Mirëpo, një gjë e tillë po del të jetë e vështirë”, ka thënë Buja, sipas të cilit, atij universiteti kur i duhet të marrë donacione quhet i Prishtinës e kur s’i duhet, quhet i Mitrovicës. “Po shfrytëzon donacione në emër të Prishtinës, por kjo s’është e tëra. Ka edhe gjëra të tjera të pakëndshme. Kur studentët nuk e realizojnë universitetin në Shkup, në Sofje, apo nëpër Serbi, vijnë në Mitrovicë dhe e mbarojnë”, ka konstatuar ai dhe ka treguar për një “bisedë të pakëndshme” për këtë çështje me përfaqësuesin e BE-së për Kosovën, Samuel Zbogar.
“Kishim një bisedë me përfaqësuesin e BE-së, Zbogar, që s’ishte krejt e këndshme. Ai kërkonte që çështjes t’i vendosej kapak, kurse unë e mbroja qëndrimin e integrimit të atij universiteti në UP”, është shprehur ministri. Ky i fundit ka thënë se, edhe pse jo kënaqshëm, integrimi i komunitetit serb ka përparuar në pjesë të tjera të Kosovës.
“Kam biseduar me përfaqësues komunash dhe kam vërejtur se ka gatishmëri integrimi, por që s’është ndonjë përparim i dukshëm”, është shprehur ai.
Nga shpallja e Pavarësisë e këndej, sipas Bujës, janë ndërtuar rreth 100 objekte shkollore, dy konvikte studentësh, është ndërtuar objekti i ri i Fakultetit të Edukimit, se në krejt Kosovën kanë mbetur vetëm edhe 8 shkolla, ku mësimi mbahet në dy ndërresa dhe se po punohet që në të gjitha shkollat mësimi të bëhet në një ndërresë.
“Aktualisht me investime të përbashkëta, lokale qendrore e donacione janë duke u ndërtuar 27 shkolla, që presim të funksionalizohen më 2013”, ka theksuar ai. Klasat më të ngarkuara, sipas tij, vazhdojnë të mbesin në Prishtinë. Infrastrukturën shkollore ai e ka cilësuar një sfidë tjetër.
“Kur e kam pranuar detyrën, MASHT-in e kam gjetur duke u konsoliduar. Sfidë e madhe ishin objektet shkollore dhe mundësia për ndërtimin e shkollave të reja”, ka thënë ai, për të shtuar se arsimi i Kosovës ka nevojë ende për infrastrukturë ligjore.
“Arsimi është një kompleks gjërash që duhet bërë. Është bërë punë serioze në çështje të planifikimit. Sot e kemi planin strategjik 2011-2016, që nuk ishte akoma i realizuar dhe i aprovuar, mungonte edhe korniza e kurrikulës, që është aprovuar dhe po punohet në kurrikulat lëndore”, ka thënë Buja, dhe ka treguar se kanë realizuar 6 ligje e 148 udhëzime administrative. /Telegrafi/
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Takimi i Kurtit me Baerbock, Ministria e Jashtme Gjermane: U diskutua se si t’i hapet rruga anëtarësimit të Kosovës në Këshill të Evropës
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë