Arben Krasniqi, Behlul Limaj, Refki Mazreku, Sabit Shala, Shaban Shala dhe Besim Shurdhaj, janë rikthyer në rigjykim edhe pse në mars të këtij viti ishin shpallur të pafajshëm.
Pas Fatmir Limajt dhe tre bashkëluftëtarëve të tij, Gjykata Supreme ka rikthyer në rigjykim edhe 6 pjesëtarët e tjerë të përfshirë në rastin “Kleçka”, të akuzuar për krime të luftës kundër popullatës civile dhe robërve të luftës, raporton gazeta “JNK”.
Kjo pasi, një trup gjykues i ka shpallur të pranueshme dëshmitë e Agim Zogajt, i njohur si “Dëshmitari X”.
Pas kërkesës nga ana e Prokurorisë, një gjykatës i procedurës paraprake nga Gjykata e Qarkut pritet që sot, pas orës 16, të caktojë masën e paraburgimit për gjashtë të akuzuarit. Të pandehurit, po mbahen në arrest në lokalet e Gjykatës Supreme.
Më 20 nëntor, Gjykata Supreme e pranoi ankesën e prokurorisë ndaj aktgjykimit lirues për Fatmir Limajn dhe tre bashkëluftëtarëve të tij, Naser Krasniqi, Nexhmi Krasniqi dhe Naser Shala, në rastin Kleçka, duke e kthyer rastin në rigjykim.
Të katërtit tashmë ndodhen në paraburgim.
Në arsyetim, kryetari i kolegjit, Gerrit-Marc Sprenger, kishte thënë se Gjykata e Qarkut i ka përzier pranueshmërinë, qëndrueshmërinë dhe besueshmërinë e deklaratave të dëshmitarit X. I njëjti arsyetim është dhënë edhe për pjesën tjetër të grupit.
Gjykata Supreme i ka konsideruar si të pranueshme deklaratat dhe ditarin e dëshmitarit kryesor, Agim Zogaj, i njohur si X. Zogaj u gjet i vdekur më 27 shtator 2011, në Duisburg në Gjermanisë.
Sipas gjykatës, mbrojtja ka pasur mundësinë ta pyesë dhe ta ballafaqojë dëshmitarin me atë çka ka deklaruar para prokurorit, edhe pse mbrojtja nuk i ka pasur të gjitha provat. “Mbrojtja ka bërë më shumë se 1000 pyetje gjatë ditëve të tëra”, tha Sprenger.
Gjykata, po ashtu, tha se Zogaj nuk ka nënshkruar çdo fletë të dëshmive të tij, porse prokuroria në fund i ka lexuar dëshmitë dhe ai në fund është nënshkruar.
Më 30 mars, një kolegji i përbërë nga gjykatës të EULEX-it dhe vendas, kishte vendosur që rasti kundër Fatmir Limajt, Naser Krasniqit, Nexhmi Krasniqit dhe Naser Shalës, të veçohej dhe të vazhdonte gjykimi kundër tyre.
Kurse të pandehurit e tjerë, Arben Krasniqi, Behlul Limaj, Refki Mazreku, Sabit Shala, Shaban Shala dhe Besim Shurdhaj, u shpallën të pafajshëm në të gjitha pikat që ata akuzoheshin. Pikat me të cilat prokuroria i kishte ngarkuar ishin krime të luftës kundër popullatës civile dhe robërve të luftës.
Ky vendim ishte marrë me arsyen se prokurori nuk e ka arsyetuar veç e veç se për çka ata akuzohen dhe për çka ata duhet të dënohen. Kolegji ka vlerësuar se ekzistojnë prova që procesi të vazhdojë dhe që për këto prova mbrojtja mund të ketë mundësi t’i ballafaqojë.
Më pas më 2 maj, kolegji me aktgjykim shpalli të pafajshëm, në të gjitha pikat e aktakuzës, edhe katër të pandehurit e tjerë, për shkak të mungesës së provave.
Por, rasti tash kthehet tërësisht në rigjykim, pas ankesës së prokurorit Maurizio Salustro. /Telegrafi/
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Togerja e Policisë së Kosovës fiton çmim ndërkombëtar për shërbim në komunitet
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Meta: Ambasadorin italian do ta kisha shpallur “non grata” në Shqipëri
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Konkursi për gradimin e policëve, dyshohet për favorizime të familjarëve të eprorëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë