Zbulohet skuadra e re e Van Dijk, nuk do të jetë PSG

Virgil Van Dijk po i kalon muajt e fundit si futbollist i Liverpoolit, pasi kontrata e tij skadon më 30 qershor.

The Sun raporton se Virgil van Dijk ka vendosur të mos rinovojë kontratën me Liverpoolin dhe pritet të largohet nga klubi verën e ardhshme.

Mbrojtësi holandez, një lojtar kyç që nga transferimi në vitin 2018, thuhet se ka marrë një ofertë fitimprurëse nga Bayern Munich, gjë që e ka bërë atë të mendojë për një sfidë të re.

Lexo po ashtu Van Dijk te PSG? Imazhet në Anfield me Al Khelaifi dhe Luis Campos ndezin thashethemet

Ndërsa vendimi nuk është përfundimtar, burime pranë Van Dijk sugjerojnë se ai po priret drejt pranimit të ofertës së Bayernit, që do të ishte një goditje e madhe për Liverpoolin. Humbja e kapitenit do të linte një zbrazëti të konsiderueshme, si në fushë ashtu edhe në dhomën e zhveshjes.

Ndërkohë, Liverpool tashmë është në kërkim të një zëvendësuesi, ndërsa Bayern do të fitonte një nga mbrojtësit më të mirë në botë.

Edhe PSG është në garë për nënshkrimin e holandezit, mirëpo Bayern duket se është në përparësi me Van Dijk që dëshiron të jetë sa më afër familjes së tij në Holandë. /Telegrafi/