Man City po përgatit një ofertë të madhe për yllin e Real Madridit – ai pritet ta zëvendësojë Rodrin

Manchester City raportohet se po përgatit një transferim të madh për të zëvendësuar Rodrin dhe për të rritur gjasat e tyre për titull kampion.

Pasditen e së shtunës, kampioni i Ligës Premier, Man City, mori një tjetër goditje pasi u mposhtën me rezultat 2-1 ndaj Brightonit në udhëtim.

Kjo ishte humbja e katërt radhazi për ekipin e Pep Guardiolës, të cilët kanë vuajtur këtë sezon për shkak të mungesës së Rodrit, me këtë të fundit që ka humbur sezonin pas këputjes së ligamentit.

Por tani, një raport i ri ka bërë me dije se klubi nga Mançesteri po përgatit një ofertë të madhe për njërin prej mesfushorëve më të mirë në botë për të zëvendësuar spanjollin.

Sipas mediumit spanjoll Fichajes, City është shumë i interesuar për transferimin e mesfushorit Federico Valverde.

Në Madrid, uruguaiani shihet si i paprekshëm për shkak të fleksibilitetit të tij që e lejon atë të luaj edhe si mesfushor, por edhe në sulm nëse është e nevojshme.

Dhe kjo është saktësisht ajo që i ka bërë përshtypje Guardiolës, i cili raportohet se beson që Valverde mund ta ndihmojë ekipin e tij të rikthehet për të dominuar Evropën.

Siç qëndrojnë gjërat, kontrata e Valverdes me Madridin skadon në verën e vitit 2029 dhe sipas Transfermarkt, vlera e kartonit të 26-vjeçarit sillet rreth 130 milionë euro dhe një marrëveshje e mundshme për Cityn do t’u kushtonte atyre shumë shtrenjtë./Telegrafi/