Skautët e Chelseat vëzhgojnë nga afër Edon Zhegrovën, planifikohet transferimi në janar

Sipas Fichajes, Chelsea po shqyrton mundësinë e nënshkrimit të sulmuesit të Lille, Edon Zhegrova, në afatin e ardhshëm të transferimeve.

Klubi i Ligës Premier është impresionuar nga përparimi i lojtarit dhe dëshiron të investojë në të që tani.

Lojtari që përfaqëson Kosovën ka luajtur deri më tani ekipe si Genk, Basel dhe Lille. Ai firmosi për klubin nga Ligue 1 në dimrin e vitit 2022 dhe është ende pjesë e këtij klubi. Ai ka bërë përparim të dukshëm si lojtar dhe është një nga talentët që ka zgjuar interesimin e shumë klubeve të mëdha evropiane.

Zhegrova është një lojtar që luan në krahun e djathtë dhe i pëlqen të driblojë nga e majta, duke kërcënuar portën kundërshtare. Ai është një dribler i shkëlqyer dhe mund të shënojë nga pozita të ndryshme. Pa topin, ai bën shumë presion dhe ndihmon në detyrat mbrojtëse.

A ka nevojë Chelsea për Edon Zhegrovën? Afati i transferimeve të klubit londinez këtë verë ka qenë e çrregullt me shumë emra që u afruan dhe disa u larguan. Kjo ka qenë një karakteristikë për ta që kur e morën klubin pronarët e rinj.

Ata duan të arrijnë një marrëveshje të hershme me Lillen që asnjë klub tjetër të mos arrijë të tërheqë talentin. Megjithatë, gjigandi anglez mund të duhet të paguajë një tarifë të lartë për të siguruar shërbimet e tij.

Në letër, Chelsea nuk ka nevojë për më shumë sulmues të krahut, pasi kanë mjaft tashmë. Megjithatë, është e qartë që klubi nuk do të hezitojë të shtojë talentë interesantë në skuadër. Duke qenë se lojtari ka arritur të bëjë një ndikim dhe ka potencial të lartë, kjo mund të jetë një marrëveshje e mençur për ta. /Telegrafi/