Është hedhur poshtë kërkesa e mbrojtjes së Haxhi Shalës për të veçuar çështjen e tij nga ajo e Ismet Bahtijarit dhe Sabit Januzit.
Vendimi është marrë nga gjyqtarja e procedurës paraprake Marjorie Masselot më 27 gusht 2024.
Sipas vendimit, mbrojtja e Shalës ka parashtruar se klienti i saj është duke u përballur me vonesa të panevojshme për kalimin e çështjes tek trupi gjykues. Ata kanë pretenduar se nëse Shala është i përfshirë në të njëjtin proces me Januzin dhe Bahtijarin, e drejta e tij për t’u gjykuar në një kohë të arsyeshme do të shkelet.
“Mbrojtja e Shalës argumenton se zoti Shala është dëmtuar nga vonesat e mëparshme në këtë rast, përfshirë si rezultat i shtimit të një akuze ndaj zotërinjve Januzi dhe Bahtijari”, thuhet në vendim.
Në vendim, thuhet se mbrojtja e Shalës ka pretenduar se është e papranueshme që të vazhdohet të mbahet në paraburgim klienti i tyre për vonesa të vazhdueshme për të cilat ai nuk mban përgjegjësi dhe janë jashtë kontrollit të tij.
Në kërkesën e saj, mbrojtja e Shalës thotë se rasti i klientit të tyre duhet të ndahet në mënyrë që të dërgohet rasti më shpejtë për gjykim.
Ndërsa, ZPS-ja ka parashtruar se ndarja e rastit nuk do t’i përshpejtojë procedurat ndaj Shalës dhe se do të ndikojë në vonimin e njërit nga dy gjykimet e ndara e që si për pasojë mund të ketë edhe rrezikimin e të drejtave të të akuzuarve.
“ZPS gjithashtu paraqet se arsyet e fuqishme që çuan në bashkimin e aktakuzave mbeten të vlefshme dhe tërësisht kundër ndarjes”, thuhet në vendim.
Ndërsa, në përfundimet e këtij vendimi, thuhet se gjyqtarja e procedurës paraprake është e kënaqur se faza aktuale e procedurave është zhvilluar në kohë të arsyeshme.
“Përveç kësaj, gjyqtarja e procedurës paraprake konsideron se e drejta e zotit Shala për t’u gjykuar në një kohë të arsyeshme duhet të balancohet me nevojën për të siguruar administrimin e duhur të drejtësisë. Në këtë drejtim, gjyqtarja e procedurës paraprake gjen se konsideratat që çuan në bashkimin e Rastit 10 me Rastin 11 mbeten të vlefshme edhe sot. Gjyqtarja e procedurës paraprake së pari kujton se të akuzuarit janë të akuzuar për të njëjtat vepra të bazuara në të njëjtat ngjarje”, thuhet në vendim, raporton “Betimi për Drejtësi”.
Tutje, në vendim thuhet se gjyqtarja e procedurës paraprake ka vënë në dukje se gjykimet e ndara do t’i dyfishonin dëshmitë pasi dëshmitarët do të duhej të dëshmonin në dy gjykime
“Gjyqtarja e procedurës paraprake gjithashtu vë në dukje se gjykimet e ndara do të rrisnin padyshim kohën dhe burimet gjyqësore. Gjyqtarja e procedurës paraprake vë në këtë drejtim se sallat e gjykatës së SC-së kanë disponueshmëri të kufizuar pasi ato duhet të ndahen me Panele të tjera”, thuhet në vendim, duke shtuar se ndarja e rasteve do të ndikonte ne kapacitetet e DhSK-së dhe se njëri nga gjyqet do të rrezikonte që të mos fillonte me muaj.
Si rezultat i këtyre konstatimeve, kërkesa e mbrojtjes së Haxhi Shalës është refuzuar.
Ndryshe, më 8 shkurt, gjyqtari i procedurës paraprake Nicolas Guillou ka miratuar kërkesën e Zyrës së Prokurorit të Specializuar (ZPS) për bashkimin e aktakuzave të konfirmuara në çështjen gjyqësore ndaj Ismet Bahtijarit dhe Sabit Januzit me atë të Haxhi Shalës.
Në vendimin për bashkimin e aktakuzave, thuhet se gjyqtari i procedurës paraprake ka konstatuar se dy aktakuzat e konfirmuara në rastin 10 dhe 11 i ngarkojnë tre të akuzuarit për vepra të njëjta penale duke specifikuar që kanë vepruar si grup. Po ashtu, në vendim thuhet se vërehet që aktakuzat e konfirmuara në këto dy raste lindin nga të njëjtat pretendime faktike.
Në bazë të kësaj, gjyqtari ka vendosur që ZPS-së t’i jep leje për të ndryshuar aktakuzën e konfirmuar në rastin 10 duke iu referuar amendamentit të parë, ndërsa amendamenti i dytë u refuzua.
Gjithashtu, gjyqtari Guillou udhëzoi ZPS-në që të paraqesë një kërkesë për ndryshimin e aktakuzës së konfirmuar në rastin 10 sipas amendamentit të dytë, por në përputhje me dispozitat e Rregullores 86.
Pasi u miratua bashkimi i dy aktakuzave, Guillou vendosi se çështja e përbashkët do të vazhdojë me numrin KSC-BC-2023-10, i cili do të riemërohet në atë mënyrë që të përfshihen të tre të akuzuarit.
Zyra e Prokurorit të Specializuar (ZPS) kishte dorëzuar më 12 janar aktakuzën e përbashkët për çështjen gjyqësore të Sabit Januzit dhe Ismet Bahtijarit dhe atë të Haxhi Shalës.
Në seancën e parë, para gjyqtarit të procedurës paraprake, Nicolas Guillou, Bahtijari dhe Januzi janë deklaruar të pafajshëm për akuzat që iu vihen barrë nga Zyra e Prokurorit të Specializuar.
Aktakuza ndaj tyre është ngritur më 4 tetor 2023, me të cilën ngarkohen se kanë tentuar të bindnin një dëshmitar të mos japë dëshmi.
Ata akuzohen për përpjekje për pengim të personave zyrtarë për kryerjen e detyrës zyrtare, me anë të kërcënimit të rëndë, midis më së paku 5 dhe 12 prillit 2023, vepër penale kundër rendit publik, e ndëshkueshme në bazë të neneve 17, 21, 28, 31, 33, 35 dhe 401 (1) dhe (5) të KPK-së, dhe neneve 15 (2) dhe 16 (3) të Ligjit.
Po ashtu, për përpjekje për pengim të personave zyrtarë për kryerjen e detyrës zyrtare, me anë të pjesëmarrjes në veprimin e përbashkët të një grupi, midis më së paku 5 dhe 12 prillit 2023, vepër penale kundër rendit publik, e ndëshkueshme në bazë të neneve 17, 21, 28, 33, 35, dhe 401 (2) dhe (5) të KPK-së, dhe neneve 15 (2) dhe 16 (3) të Ligjit. Po ashtu, për përpjekje për frikësim gjatë procedurës penale, midis më së paku 5 dhe 12 prillit 2023, vepër penale kundër administrimit të drejtësisë dhe administratës publike, e ndëshkueshme në bazë të neneve 17, 21, 31, 33, 35 dhe 387 të KPK-së, dhe neneve 15(2) dhe 16 (3) të Ligjit.
Më 6 tetor, në një njoftim të Zyrës së Prokurorit të Specializuar është thënë se Ismet Bahtijari dhe Sabit Januzi janë arrestuar dhe transferuar në Hagë nën dyshimin se kanë tentuar të bindnin një dëshmitar të mos japë dëshmi.
Sipas aktakuzës, Sabit Januzi dhe Ismet Bahtijari, përmes kërcënimit të rëndë dhe veprimit të përbashkët të një grupi personash në të cilin të dy morën pjesë, tentuan të pengonin persona zyrtarë, si gjykatës, prokurorë, zyrtarë të gjykatës, zyrtarë të prokurorisë apo persona të autorizuar nga gjykata ose prokuroria, në kryerjen e detyrave zyrtare.
Kurse, në aktakuzën e 12 dhjetorit 2023, Kryeprokurorja e Specializuar, Kimberly West akuzon Shalën për frikësim të dëshmitarëve, tentativë me anë të kërcënimit të rëndë për të penguar personat zyrtarë në kryerjen e detyrave zyrtare individualisht dhe me pjesëmarrje në grup.
Promo
Reklamo këtuLufta Prigozhin - Putin
Më shumëNga Rubrika
![Kaosi me transportin publik dhe mbeturinat në Shkup, Këshilli i qytetit nesër debaton mbi këto problematika](https://telegrafi.com/wp-content/uploads/2024/07/autobus-transporti-publik-SK-380x233.png)
Kaosi me transportin publik dhe mbeturinat në Shkup, Këshilli i qytetit nesër debaton mbi këto problematika
![“Më është mpirë krahërori, u mbush dora gjak”, rrëfimi i Emin Kelmendit për dhunën nga UDB-ashët](https://telegrafi.com/wp-content/uploads/2024/08/Screenshot_2-119-380x233.jpg)
“Më është mpirë krahërori, u mbush dora gjak”, rrëfimi i Emin Kelmendit për dhunën nga UDB-ashët
![Shi i rrëmbyeshëm në Librazhd, uji vërshon rrugët](https://telegrafi.com/wp-content/uploads/2024/08/srtttt-1-380x233.jpg)
Shi i rrëmbyeshëm në Librazhd, uji vërshon rrugët
![Ndryshimet ligjore për rritjen e pensioneve kaluan në qeveri, së shpejti në procedurë kuvendare](https://telegrafi.com/wp-content/uploads/2023/12/denari-rroga-780x439.png)
Ndryshimet ligjore për rritjen e pensioneve kaluan në qeveri, së shpejti në procedurë kuvendare
![Reagime pasi propozoi hapjen e vendvotimeve në përfaqësitë diplomatike, Gërvalla: Zhurmaxhinjtë të qetësohen dhe të studiojnë ligjin](https://telegrafi.com/wp-content/uploads/2024/06/Donika-Gervalla-interviste-perballje-foto-Ridvan-Slivova-12-780x439.jpg)
Reagime pasi propozoi hapjen e vendvotimeve në përfaqësitë diplomatike, Gërvalla: Zhurmaxhinjtë të qetësohen dhe të studiojnë ligjin
![Ambasadori gjerman ngjitet në majën e Gjeravicës, mëson si t’i “qes renat e flisë”](https://telegrafi.com/wp-content/uploads/2024/08/Rohde-2-780x439.jpg)
Ambasadori gjerman ngjitet në majën e Gjeravicës, mëson si t’i “qes renat e flisë”
![Incidenti me presidenten Vjosa Osmani në Aeroportin e Shkupit, Mexhiti: Sigurimi tejkaloi kompetencat](https://telegrafi.com/wp-content/uploads/2024/08/izet-mexhiti-e1723809377946-780x439.png)
Incidenti me presidenten Vjosa Osmani në Aeroportin e Shkupit, Mexhiti: Sigurimi tejkaloi kompetencat
![Gjykimi ndaj Thaçit dhe të tjerëve- vdes një viktimë pjesëmarrëse, kishte dhe statusin e dëshmitarit](https://telegrafi.com/wp-content/uploads/2024/07/auto_auto_thaci16843385251708437290-780x439.jpg)
Gjykimi ndaj Thaçit dhe të tjerëve- vdes një viktimë pjesëmarrëse, kishte dhe statusin e dëshmitarit
![](https://telegrafi.com/wp-content/uploads/2024/08/Ardita-Sinani-780x439.jpg)
"Ndalohem sa herë e kaloj kufirin", Sinani: Përndjekje nga lista e Vulinit
![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Ivan Toney dështoi në testet 'sekrete' mjekësore për shkak të gjendjes së rrallë pasi iu tha se 'nuk do të ecte në moshën 28 vjeçare'](https://telegrafi.com/wp-content/uploads/2024/08/toney-780x439.png)
Ivan Toney dështoi në testet 'sekrete' mjekësore për shkak të gjendjes së rrallë pasi iu tha se 'nuk do të ecte në moshën 28 vjeçare'
![Një lojtar po i shkakton kokëdhimbje Ancelottit te Real Madridi - nuk qëndron në bankinë](https://telegrafi.com/wp-content/uploads/2024/08/real-1-780x439.png)
Një lojtar po i shkakton kokëdhimbje Ancelottit te Real Madridi - nuk qëndron në bankinë
![Nga Instagrami, Chiesa duket se ka zbuluar se ku po transferohet](https://telegrafi.com/wp-content/uploads/2024/08/chiesa-3-780x439.png)
Nga Instagrami, Chiesa duket se ka zbuluar se ku po transferohet
![Dy të plagosur në Prishtinë nga gjuajtjet me armë zjarri](https://telegrafi.com/wp-content/uploads/2023/11/LAJMI-I-FUNDIT-7-1-780x439.png)
Dy të plagosur në Prishtinë nga gjuajtjet me armë zjarri
![Ekzekutimi i Ardian Nikulajt, gruaja dhe djali për](https://telegrafi.com/wp-content/uploads/2024/08/Vera-Nikulaj11-761x450-1-780x439.jpg)
Ekzekutimi i Ardian Nikulajt, gruaja dhe djali për "Daily Mail": Mikpritëm vrasësin pa ditur ç’do bënte, hëngrëm bashkë me të dyshuarit
![](https://telegrafi.com/wp-content/uploads/2024/08/STRES-PA-STRES-780x439.jpg)
"Shqiptarët e Shqipërisë kanë inate ndaj atyre të Kosovës", Stresi i reagon aktorit Osman Azemi pas deklaratave në emision